១០កន្លែងដែលខ្មោចលងសាហាវបំផុតនៅអាស៊ី

2014-10-14 22:33:33
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងអប្បិយជំនឿ ខ្មោចព្រាយបិសាច មិនមែនមានតែនៅកម្ពុជាទេ សូម្បីនៅបណ្ដាប្រទេសលើពិភពលោកក៏មានដូចគ្នាដែរ ជាក់ស្ដែងកន្លែងទាំង១០នៅអាស៊ី ដូចខាងក្រោមនេះជាដើម៖

១. សាលា Tat Tak ហុងកុង៖ ជាសាលាដែលគេបោះបង់ចោល និងជាកន្លែងដែលគេរាយការណ៍ថា មានមនុស្សធ្វើអត្តឃាត ។ អ្នករត់តាក់ស៊ីមួយចំនួន មិនហ៊ានបើកបរតាមផ្លូវទៅសាលា ដែលហ៊ុមព័ទ្ធដោយផ្នូរនេះទេ។

២. អគារ Lawang Sewu ឥណ្ឌូណេស៊ី៖ អគារប្រវត្តិសាស្ត្រដ៏ចំណាស់នេះ ធ្លាប់ស្ថិតនៅក្រោយអាណានិគមនិយមបរទេស។ ពេលចប់សង្គ្រាមលោកលើកទី២ ជប៉ុនបានសម្លាប់ កងទ័ពឥណ្ឌូណេស៊ីនៅមុខអគារ ហើយមនុស្សស្លូតត្រង់ ត្រូវគេធ្វើទណ្ឌកម្មនៅបន្ទប់ក្រោមដី។

៣. រូងថ្ម Chibichiri ជប៉ុន ៖ ពេលបញ្ចប់សង្គ្រាមលោកលើកទី២ ទាហានជប៉ុនបានសម្លាប់ខ្លួនឯង ប្រសើរជាងប្រគល់ខ្លួនឱ្យទាហានអាមេរិក។ ជនស៊ីវិលជាច្រើន ត្រូវបានសម្លាប់និងសម្លាប់ខ្លួនឯង។ ទាំងនេះជាលលាក្បាល ដែលជាការចងចាំមួយរបស់ជប៉ុន។

៤. មន្ទីរពេទ្យ Clark ហ្វីលីពីន៖ អតីតមន្ទីរពេទ្យទាហានអាមេរិកនេះ ត្រូវបានគេឱ្យដឹងថា មានខ្មោចទាហានលងមិនធម្មតាដែរ។

៥. អគារ Bagua តៃវ៉ាន់៖ មានទីតាំងនៅភាគខាងត្បូងកោះតៃវ៉ាន់។ អគារលើកោះ Green Island នេះ បានទាក់ទាញទេសចរតៃវ៉ាន់យ៉ាងច្រើន។ ពីមុនអគារនេះ ជាកន្លែងអាណានិគមព្រហ្មទណ្ឌនយោបាយ ហើយខ្មោចស្លាប់ក្នុងសម័យភេរវកម្មសង្គ្រាម ឆ្នាំ១៩៤៩-១៩៨៧ ក៏លងខ្លាំងដែរ។

៦. ផ្ទះខ្មោច កូរ៉េខាងត្បូង៖ ពាក្យចចាមអារ៉ាមច្រើនថា ផ្ទះចំណាស់ដែលគេបោះបង់ចោល ក្នុងទីក្រុង Yeongdeok ខេត្ត Gyeongsang នេះ មានខ្មោចលងគួរឱ្យព្រឺក្បាលដូចគ្នា។ អគារនេះមានក្មេងស្រីម្នាក់បានសម្លាប់ខ្លួនឯង ក្រោយសង្សារចាប់ឃុំខ្លួន។ ខ្មោចទាហានកូរ៉េស្លាប់ក្នុងសង្គ្រាមលោកលើកទី២ ត្រូវបានគេកប់នៅផ្ទះនេះ។

៧. ភ្នំខ្មោច (Ghost Hill) រដ្ឋ Penang ម៉ាឡេស៊ី៖ លើភ្នំខ្មោចមានអគារជាច្រើន ហើយក៏ជាសារមន្ទីរស្ងាត់ជ្រងំមួយ។ ភ្នំខ្មោចជាបន្ទាយ ដែលអង់គ្លេសធ្លាប់កាន់កាប់។ គេរាយការណ៍ថា ទីនេះមានខ្មោចមន្ត្រីជប៉ុនម្នាក់ ដែលត្រូវកាត់ក្បាល ក្នុងសង្គ្រាមលោកលើកទី២ លងប៉ះសក់។

៨. ប្រាសាទ Phra Si Sanphet ខេត្ត Ayutthaya ថៃ៖ ប្រហែល៥០ឆ្នាំមុន ក្រុមចោរបានលួចមាសពីប្រាសាទថៃ ហើយត្រូវបណ្ដាសាស្លាប់យ៉ាងវេទនា ហើយមកដល់ឥលូវអ្នកស្រុកនៅតំបន់នេះ នៅតែមានជំនឿ។

៩. ជំរំគុក Ph Bin American វៀតណាម៖ ទ្រុងខ្លានៅកោះ Con Dao ជាអតីតគុកធ្វើឡើងដោយបារាំងនិងអាមេរិក និងជាកន្លែងដែលអ្នកទោសវៀតណាម ត្រូវបានគេធ្វើទារុណកម្ម។