Barcelona ចុកឈាម ក្រោយចាញ់ Bilbao ៤-០ យប់មិញ
- 2015-08-15 16:08:54
- ចំនួនមតិ 0 | ចំនួនចែករំលែក 0
Barcelona ចុកឈាម ក្រោយចាញ់ Bilbao ៤-០ យប់មិញ
ចន្លោះមិនឃើញ
ក្រុមខ្លាំង Barcelona បានរងបរាជ័យយ៉ាងអាម៉ាស់ ៤-០ ក្រោមថ្វីជើងរបស់ក្រុម Athletic Bilbao ក្នុងការប្រកួតជើងទីមួយពានរង្វាន់ Spanish Super Cup ។
អ្នកមានបុណ្យដែលពោរពេញដោយទ័ពស្រួចដូចជា Lionel Messi , Suarez និង Pedro ជាដើមនោះមិនអាចទម្លុះសំណាញ់ទីរបស់ក្រុម Bilbao បានទេ តែផ្ទុយទៅវិញបែរជាត្រូវក្រុមម្ចាស់ផ្ទះមួយនេះស៊ុតដល់ទៅ៤-០ទៅវិញ ដោយកីឡាករAritz Aduriz ជាអ្នកធ្វើបាន៣គ្រាប់ម្នាក់ឯង។
អតីតកីឡាករ Liverpool ឈ្មោះ Mikel San Jose ជាអ្នកបំបែកពងមាន់ក្រុម Barcelona បានមុននៅនាទីទី១៣ ដោយការទាត់បាល់ពីចម្ងាយយ៉ាងស្អាត ខណៈដែល៣គ្រាប់របស់ Aduriz ធ្វើបាននៅនាទី៥៣ , ៦២ និង៦៨។
ក្រោយចាញ់យ៉ាងស្ពឹកមុខនេះដែរ លោក Enrique បាននិយាយថានេះជាមេរៀនល្អបំផុតសម្រាប់ក្រុមទាំងមូល។ ការមើលងាយគូប្រកួតជាបញ្ហាប្រឈមសម្រាប់ក្លិបក៏ដូចជាកីឡាករទាំងអស់។ ប្រកួតនេះជាកំហុសរបស់ខ្ញុំ ដែលមិនបានរៀបប្រព័ន្ធការពារឱ្យល្អ។ Bilbao ជាក្លិបល្អ ដែលអាចវាយសម្រុកនិងចុះការពារបានលឿន។
យ៉ាងណាមិញក្រុមទាំងពីរខាងលើ នឹងត្រូវប្រកួតគ្នាម្ដងទៀតនៅជើងទីពីរទឹកដី Barcelona ម្ដងនៅថ្ងៃចន្ទសប្ដាហ៍ក្រោយនេះ៕
ប្រែសម្រួល៖ មុន្នី រម្យ ប្រភព៖ BBC
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
