សំណល់សារធាតុគ្រីស្តាល់ដែលផ្ទុះនៅកំពង់ផែក្រុង Tianjin គ្រាន់តែប៉ះទឹកនឹងឆេះភ្លាម
- 2015-08-15 17:33:47
- ចំនួនមតិ 0 | ចំនួនចែករំលែក 0
សំណល់សារធាតុគ្រីស្តាល់ដែលផ្ទុះនៅកំពង់ផែក្រុង Tianjin គ្រាន់តែប៉ះទឹកនឹងឆេះភ្លាម
ចន្លោះមិនឃើញ
សារធាតុគ្រីស្តាល់សៗដែលត្រូវបានគេដឹងថាជាសំណល់ដែលផ្ទុះចេញពីកំពង់ផែក្រុងTianjin ភាគឦសានប្រទេសចិននោះ គ្រាន់តែប៉ះទឹកនឹងឆេះបង្កជាអណ្ដាតភ្លើងភ្លាម។
អស់រយៈពេល២ថ្ងៃមកហើយ បន្ទាប់ពីមានការផ្ទុះឆេះយ៉ាងសន្ធោសន្ធៅនៅកំពង់ផែក្រុងTianjin ដែលមិនទាន់មានប្រភពណាចេញមកបញ្ជាក់ឱ្យច្បាស់នៅឡើយទេ ពីមូលហេតុនៃការឆេះនេះ។ ខណៈដែលពេលនេះនៅជុំវិញក្រុងទាំងអស់គឺពោរពេញដោយម្សៅសៗ ដែលត្រូវបានគេដឹងថាជាសារធាតុគ្រីស្តាល់ សាយភាយក្រោយពីការមានផ្ទុះនោះ។ ដោយម្សៅនេះ ពិតជាមានឥទ្ធិពលខ្លាំងណាស់ ដោយគ្រាន់តែគេចាក់ទឹកទៅលើវាបន្តិចអាចបង្កជាអណ្ដាតភ្លើងឆេះបាន។
កាសែតចិនបានចុះផ្សាយថាអ្នកពន្លត់អគ្គីភ័យបានព្រមានថាអាចនឹងមានការឆេះទីក្រុងTianjin ទាំងមូល ប្រសិនបើមិនមានដោះស្រាយឱ្យសមស្របមួយទេនោះ ពីព្រោះសារធាតុគ្រីស្តាល់នេះមានពាសពេញទីក្រុងទាំងអស់ ហើយបើមានភ្លៀងធ្លាក់មកទៀត នោះលទ្ធផលពិតជាពិបាកស្មានដល់។ យ៉ាងណាមិញ រដ្ឋាភិបាលនៅទីក្រុងកំពង់ផែមួយនេះ បានបញ្ជាក់ដែរថាវាមិនអាចបង្កជាការឆេះម្ដងទៀតបានទេ ហើយក្រុមការងារទាំងអស់ក៏បានគ្រប់គ្រងស្ថានការណ៍អស់ហើយដែរ។
មកដល់ថ្ងៃនេះចំនួនអ្នកស្លាប់ដោយសារតែការផ្ទុះនោះបានឡើងដល់ជាង៨៥នាក់ទៅហើយ និងមានអ្នករងរបួស ៧២១ នាក់ទៀតដែលកំពុងសម្រាកព្យាបាលនៅមន្ទីរពេទ្យ។ រដ្ឋាភិបាលប្រទេសចិនមិនទាន់ចេញរបាយការណ៍ពីចំនួនទឹកប្រាក់នៃការខូចខាតនៅឡើយទេ៕
ប្រែសម្រួល៖ មុន្នី រម្យ ប្រភព៖ shanghaiist© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
