រថយន្តរាប់ពាន់គ្រឿងខ្ទេចទាំងស្រុង ក្នុងហេតុការណ៍ផ្ទុះដ៏សាហាវនៅចិន

2015-08-16 16:58:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងហេតុការណ៍ផ្ទុះដ៏ធំមួយនៅកំពង់ផែ Tianjin ភាគឦសានប្រទេសចិនកាលពីប៉ុន្មានថ្ងៃមុន បានឆក់យកជីវិតមនុស្សរាប់រយនាក់ និងធ្វើឱ្យខូចខាតទ្រព្យសម្បត្តិយ៉ាងច្រើន ហើយអ្វីដែលជាសំណាងអាក្រក់សម្រាប់ក្រុមហ៊ុនរថយន្តនៅចិននោះ គឺរថយន្តដល់ទៅ ៨០០០គ្រឿងបានខ្ទេចខ្ទីទាំងស្រុងក្នុងហេតុការណ៍ដ៏អាក្រក់នោះ។

សារព័ត៌មានមួយឈ្មោះ Automotive News បានឱ្យដឹងថា រថយន្តថ្មីៗចំនួនដល់ទៅ ៨ពាន់គ្រឿងត្រូវបានបំផ្លាញទាំងស្រុង ដោយសារតែឥទ្ធិពលនៃការផ្ទុះដ៏ខ្លាំងក្លានោះ ដែលក្នុងនោះខ្មោចរថយន្តដែលឆេះមើលលែងយល់មានដូចជាម៉ាក Hyundai, Kia, Volkswagen, Renault និងToyota។ ចំពោះក្រុមហ៊ុនដែលរងការខាតបង់រថយន្តច្រើនជាងគេ គឺក្រុមហ៊ុន Hyundai ដោយមានចំនួនរថយន្តខូចខាតដល់ទៅ ៤ពាន់គ្រឿងឯណោះ។ ក្នុងគ្រោះថ្នាក់ផ្ទុះដ៏ធំមួយនៅកំពង់ផែក្រុង Tianjin ប្រទេសចិន បានធ្វើឱ្យមានអ្នកស្លាប់យ៉ាងហោចណាស់ ៥០នាក់ និងរងរបួសជាង ៧០០នាក់ផ្សេងទៀតកំពុងសម្រាកព្យាបាលរបួសនៅមន្ទីរពេទ្យ ដែលក្នុងនោះមាន៦៦នាក់ស្ថិតក្នុងស្ថានភាពធ្ងន់ធ្ងរខ្លាំង៕