កូនប្រសាលុតជង្គង់សុំមិត្តស្រីរៀបការ ឪពុកក្មេកទន់ជង្គង់ខកចិត្ត

2015-08-16 18:25:18
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យកណ្ដាលម្នាក់ស្រាប់តែកើតរោគបាក់ទឹកចិត្ត និងខកបំណងជាខ្លាំងនៅហាងលក់គ្រឿងអលង្កាមួយកន្លែងនៅទីក្រុងសៀងហៃ បន្ទាប់ពីកូនស្រីរបស់គាត់យល់ព្រមរៀបការជាមួយមិត្តប្រុសជនជាតិជប៉ុនដែលនាងស្គាល់និងស្រលាញ់គ្នាកាលពីទៅរៀននៅជប៉ុន។

បុរសជាមិត្តប្រុសមានឈ្មោះ NagaO បានធ្វើដំណើរពីជប៉ុនមកដល់សៀងហៃដើម្បីសុំមិត្តស្រីរបស់គេដែលមានដើមកំណើតនៅសៀងហៃនេះរៀបការ។ តែសំណាងមិនល្អ ឪពុករបស់នាងមិនពេញចិត្តឱ្យកូនស្រីគាត់រៀបការជាមួយបុរសនេះទេ។ ឪពុករបស់នារីនោះបានលើកឡើងចំណុចដែលគាត់មិនពេញចិត្តចំពោះ NagaO ដូចជាថា ជើងរបស់គេខ្លីពេក ហើយធ្មេញក៏មិនត្រង់ជួរស្អាត ម្យ៉ាងទៀត ពេលគាត់ឃើញបុរសនេះដំបូង គាត់មានអារម្មណ៍ថាគេជាមនុស្សបោកប្រាស់។ លោកឪពុករូបនោះក៏បានដាក់លក្ខខណ្ឌធ្ងន់មួយ គឺថាបើគាត់ព្រមឱ្យពួកគេរៀបការ NagaO មិនត្រូវត្រលប់ទៅជប៉ុនវិញជាដាច់ខាតក្នុងរយៈពេល៥ឆ្នាំ។ មិនគួរឱ្យជឿ បុរសស្មោះស្នេហ៍ក៏យល់ព្រមតាមគ្រប់លក្ខខណ្ឌរបស់អនាគតឪពុកក្មេក ហើយគិតថាគាត់យល់ព្រមចំពោះសំណើរៀបការរបស់គេហើយ ថ្ងៃមួយ គេក៏បានទិញចិញ្ចៀនពេជ្រមួយវង់ក្នុងហាងមួយ និងបានលុតជង្គង់សុំនាងរៀបការ។

ម្ដាយឪពុកនារីខាងលើក៏បានរូតរះទៅកាន់ហាងនោះភ្លាមៗ បន្ទាប់ពីបានដឹងដំណឹងនេះ។ តែពេលទៅដល់ ឃើញនៅសល់តែស្រទាប់ផ្កាកុលាបដែលនៅរាយពេញដី ក្រោយសំណើរៀបការដ៏រ៉ូមេនទិកបញ្ចប់។ បុរសជាឪពុកបានទន់ជង្គង់ក្រឹបទៅលើដី ហើយបន្ទោសអ្នកលក់ថា ហេតុអីក៏នាងលក់ចិញ្ចៀនឱ្យបុរសជប៉ុននោះ?

អ្នករាល់គ្នាដែលបានឃើញហេតុការណ៍នេះព្យាយាមលួងគាត់ថាបុរសជប៉ុននោះមើលទៅល្អណាស់ ហើយអ្នកទាំងពីរក៏មើលស្រលាញ់គ្នាប្ដូរផ្ដាច់ណាស់ដែរ តែឪពុករបស់នាងបែរជាគំហកឱ្យពួកគេវិញថា «កុំល្ងង់ចាញ់បោកគេពេក! ក្នុងលោកនេះអស់ប្រុសចិនហើយឬ?»។ ទោះយ៉ាងណា ជាង១ម៉ោងកន្លះក្រោយ នារីជាកូនក៏មកលើកឪពុករបស់នាងឡើង ហើយពន្យល់មូលហេតុដែលនាងសុខចិត្តទទួល NagaO ព្រោះតែគេជាមនុស្សល្អ និងអាចមើលថែនាងបាន៕

ចុចអាន៖ មិនគួរឲ្យជឿ! មួយម៉ឺនដុល្លារធ្វើឲ្យបុរសម្នាក់ដាច់ចិត្តលក់សង្សារមួយយប់ ប្រែសម្រួល៖ សុគន្ធី ប្រភព៖ sinanews

ពាក្យទាក់ទង

ព័ត៌មានប្លែកៗ ព័ត៌មានសង្គមអន្តរជាតិ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

Tim Cook ទៅទស្សនកិច្ចនៅវៀតណាម ចង់ពង្រីកការវិនិយោគ! តើអាចទៅរួចទេ បើករោងចក្រដំឡើង iPhone?

ពេញចិត្ត ឬមិនពេញចិត្ត ភឹម ស្រីនោ ស្នើរមហាជនរិះគន់ក្នុងន័យស្ថាបនាដល់ម្ចាស់ជយលាភី MGC 2024

អត្ថបទថ្មី

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

លីគកំពូលអង់គ្លេសនឹងប្រើបច្ចេកវិទ្យាថ្មីក្នុងការចាប់ Offside

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL