លី តឺហួរ បដិសេធលុយរាប់លានដុល្លារដើម្បីទុកពេលនៅក្បែរកូនស្រី

2015-08-20 18:15:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមគេហទំព័រ Guang Ming Daily តារាសម្ដែងនិងចម្រៀងហុងកុង Andy Lauបានបដិសេធទឹកប្រាក់ចំនួន ៥០លានយាន់ (ប្រហែល ៧,៨លានដុល្លារ) ដោយសារចង់ចំណាយពេលវេលាជាមួយកូនស្រី Hanna ឲ្យបានច្រើន។

សំណើនេះត្រូវបានលើកឡើងដោយផលិតកររបស់កម្មវិធី "The Voice of China” ដែលចង់ឲ្យតារារូបនេះធ្វើជាគ្រូបង្វឹកក្នុងរដូវកាលទី៥នៃកម្មវិធីនេះ។ យ៉ាងណាមិញ លី តាវហួរ បានបដិសេធនេះដោយលើកហេតុផលថាមិនចង់ឃ្លាតពីកូនស្រីអាយុ ៣ឆ្នាំរបស់ខ្លួននៅហុងកុងយូរពេក។ គេហទំព័រដដែលនោះក៏បានប្រាប់ថាទោះបីជាត្រូវថតរឿងក៏តារារូបនេះមិនចង់ចេញពីហុងកុងយូរដែរ ដោយមិនចង់បែកពីកូនស្រីរបស់ខ្លួន។

Andy Lau ត្រូវបានកម្មវិធី "The Voice” ទាក់ទងឲ្យធ្វើជាគ្រូបង្វឹកតាំងពីមុនចូលរដូវកាលទី៣ម្ល៉េះ ដោយកាលនោះគេឲ្យតម្លៃខ្លួនលោកចំនួន ៦លានដុល្លារ ប៉ុន្តែលោកបានបដិសេធរហូតមក ៕

ចុចអាន៖កុំ កុំ បដិសេធថតឈុតលើគ្រែ ព្រោះខ្លាចប្រពន្ធក្មេងអន់ចិត្ត

ប្រែសម្រួល៖ សុវណ្ណផៃ ប្រភព៖thestar