រ៉ូបដ៏ស៊ីវិល័យទាំង ១២ របស់ Fan BingBing នៅមហោស្រពភាពយន្តអន្តរជាតិ Cannes

2015-08-24 17:23:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Cannes គឺជាកម្មវិធីប្រគល់ពានរង្វាន់ភាពយន្តដ៏ធំមួយដែលមានការចូលរួមពីតារាល្បីៗជាច្រើនមកពីគ្រប់ទីកន្លែងនៅលើពិភពលោក។ ក្រៅពីជាកន្លែងសម្រាប់ប្រកួតភាពយន្តរបស់ខ្លួន Cannes ក៏ជាវេទិកា សម្រាប់តារាល្បីៗប្រជែងសម្រស់របស់ខ្លួនផងដែរ។ ថ្ងៃនេះ Sabay នឹងលើកយកម៉ូដសំលៀកបំពាក់របស់ Fan Bing Bing ដែលជាតំណាងមកពីប្រទេសចិនមកបង្ហាញប្រិយមិត្តទាំងអស់គ្នា។

១. Laurence Xu

ក្នុងថ្ងៃបើកកម្មវិធីរបស់ Cannes ឆ្នាំ២០១០ ខណៈដែលតារាគ្រប់រូបបានស្លៀកពាក់រ៉ូបបែបអឺរ៉ុបដូចជារបស់ Chanel, Valentino, Versace ជាដើម Fan បានក្លាយជាតារាដែលលេចធ្លោជាងគេ ដោយបានស្លៀករ៉ួបបែបប្រពៃណីចិនលម្អទៅដោយរូបនាគនិមិត្តសញ្ញាប្រទេសចិន ដែលបានច្នៃឡើងដោយអ្នកច្នៃម៉ូដ Laurence Xu។ រ៉ូបនេះដែរក្រោយមកក៏ត្រូវបានដាក់តាំងតាំងនៅសារមន្ទីរ Victoria & Museum នៅទីក្រុងឡុងដុង ប្រទេសអង់គ្លេស។

២. Christopher Bu

ម្ដងទៀតតួឯកស្រីរឿង " The Lady of Dynasty” បានសម្ដែងការស្រលាញ់ជាតិរបស់ខ្លួនដោយបានស្លៀករ៉ូបបែបប្រពៃណីចិនដែលបានច្នៃឡើងដោយអ្នកច្នៃម៉ូដ Christopher Bu ក្នុងការថ្ងៃសម្ពោធរឿង “Moonrise Kingdom” របស់អ្នកដឹកនាំសម្តែង Wes Anderson។

៣. Elie Saab Couture ក្នុងថ្ងៃបញ្ចាំងរឿង “Rust and Bone” របស់អ្នកដឹកនាំសម្តែង Jacques Audiard នៅ Cannes ឆ្នាំ ២០១២ Fan Bing Bingបានប្ដូរស្ទីលរបស់ខ្លួនដោយបានស្លៀករ៉ូបពណ៌សាច់របស់ម៉ាក Elie Sabb Couture។

៤. Valentino

ក្នុងជំនួបញ៉ាំអាហារពេលល្ងាចដែលបានរៀបចំឡើងដោយ L'Oreal នៅកម្មវិធី Cannes ឆ្នាំ ២០១២ Fan Bingbing បានស្លៀកពាក់រ៉ូបផ្ការបស់ម៉ាកអ៊ីតាលី Valentino។

៥. Atelier Versace

Bing Bing បានបង្ហាញខ្លួនលើកម្រាលព្រំក្រហមក្នុងថ្ងៃបញ្ចាំងរឿង “Wu Xia” ឆ្នាំ ២០១១ ដោយបានស្លៀករ៉ូបពណ៌ស៊ីជម្ពូរបស់ Atelier Versace។

៦. Oscar de la Renta

ក្នុងថ្ងៃបញ្ចាំងរឿង “Tree of Life” នៅមហោស្រពភាពយន្ត Cannes ឆ្នាំ ២០១១ តារាសម្តែងស្រីរូបនេះបានស្លៀករ៉ូបបត់ច្រើនជាន់ពណ៌បៃតងរបស់ម៉ាក Oscar de la Renta និងលម្អដោយគ្រឿងអលង្ការរបស់ម៉ាក Cartier។

៧. Louis Vuitton

នៅក្នុងកម្មវិធីមួយដែលបានរៀបចំឡើងដោយ Amfar នៅកម្មវិធី Cannes នេះដែរ Fan Bing Bing បានស្លៀករ៉ូបពណ៌ផ្កាឈូក របស់ Louis Vuitton។

៨. Valentino

ក្នុងកម្មវិធី Cannes ឆ្នាំ ២០១១ តារាសម្តែងស្រីរូបនេះបានត្រលប់មកវិញជាមួយរ៉ូបរបស់ Valentino និងលម្អដោយដង្កៀបរូបមេអំបៅ។

៩. Elie Saab Couture

Fan Bing Bing បានក្លាយជាទីចាប់អារម្មណ៍ម្តងទៀតក្នុងថ្ងៃបញ្ចាំងរឿង “Beautiful” ក្នុងកម្មវិធី Cannes ឆ្នាំ ២០១១ ដែលតារាស្រីរូបនេះបានស្លៀករ៉ូបច្រើនជាន់ពណ៌សរបស់ម៉ាក Elie Saab Couture។

១០. Elie Saab Couture

Allie Saab គឺជាម៉ាកដែល Fan Bing Bing ចូលចិត្ត ដោយនាងបានស្លៀករ៉ូបរបស់ម៉ាកនេះជាច្រើនដងនៅក្នុងកម្មវិធី Cannes។ ជាក់ស្តែងក្នុងថ្ងៃបិទកម្មវិធីឆ្នាំ ២០១១ Bing Bing បានស្លៀករ៉ូបស្ទីលធម្មជាតិរបស់ Elie Saab Couture ម្តងទៀត។

១១. Chris Bu Keven

ជាថ្មីម្ដងទៀត Fan Bing Bing បានបង្ហាញសម្រស់របស់ខ្លួនក្នុងរ៉ូបបែបប្រពៃណីចិនម្ដងទៀតច្នៃដោយអ្នកច្នៃម៉ូដ Chris Bu Kewen ក្នុងថ្ងៃបញ្ចាំងរឿង " Midnight in Paris” របស់អ្នកដឹកនាំសម្ដែង Woody Allen នៅ Cannes ឆ្នាំ ២០១១។