Man Utd បើហ៊ានចំណាយ៣៧៨លានដុល្លារនឹងអាចយក Neymar បាន

2015-08-25 17:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

បិសាចក្រហម Manchester United អាចនឹងចំណាយដល់ទៅ២៤០លានផោន (ជាង៣៧៨លានដុល្លារអាមេរិក) ទើបអាចទិញយកខ្សែប្រយុទ្ធ Neymar ពីក្រុម Barcelona បាន។ នេះបើតាម The Sun បានចុះផ្សាយ។

រយៈពេលប៉ុន្មានថ្ងៃមកនេះ រឿង Man Utd ចង់បានកីឡាករ Neymar កាន់តែក្ដៅគគុកមែនទែនហើយ ដោយមានវិបសាយធំៗជាច្រើនបានចុះផ្សាយថាវាអាចនឹងកើតមានបាន។ តួយ៉ាងដូច The Guardian បានសរសេរកាលពីម្សិលមិញនេះថា លោក Ed Woodward ប្រធានក្លិបបិសាចក្រហម កំពុងតែស្នាក់នៅប្រទេសអេស្ប៉ាញ ដើម្បីបញ្ចុះបញ្ចូលទិញយកប្រធានក្រុមជម្រើសជាតិប្រេស៊ីល ទៅលេងនៅ Old Trafford ឱ្យបានមុនថ្ងៃបិទទីផ្សារដោះដូរកីឡាករខាងមុខ។

ចំណែកឯ The Sun វិញ ក៏បានចុះផ្សាយដែរថាបិសាចក្រហមនឹងចំណាយប្រាក់កប់ក្ដោង ២៤០លានផោន ប្រសិនបើចង់បានកីឡាករវ័យ២៣ឆ្នាំខាងលើ។ ដោយសំអាងលើហេតុផលថា ត្រូវចំណាយ១៤០លានផោនទៅលើការរៀបចំឯកសារផ្ទេរតាមផ្លូវច្បាប់ (Barcelona នៅមានរឿងក្ដីតម្លៃខ្លួនរបស់ Neymar នៅឡើយ ដូច្នេះប្រសិនបើផ្ទេរទៅក្លិបផ្សេងត្រូវលំបាកច្រើន) និង៧៥លានផោនទៀត ដើម្បីផ្ដាច់កុងត្រា៥ឆ្នាំជាមួយអ្នកមានបុណ្យ ហើយថែម១៥លានផោនទៀតចំពោះប្រាក់បៀវត្ស។

កីឡាករស៊ុតឱ្យក្រុមជម្រើសជាតិប្រេស៊ីលបានជាង៤០គ្រាប់ខាងលើ មិនដែលមានបញ្ហាអ្វីជាមួយក្រុម Barcelona នោះទេ តែបានព្រលយពាក្យសម្ដីកាលពីសប្ដាហ៍មុនថារូបគេអាចចាកចេញទៅលេងជាមួយក្រុម Man Utd ប្រសិនបើក្លិបនេះផ្ដល់លក្ខខ័ណ្ឌសមស្រប។

សូមតាមដានទាំងអស់គ្នា ថាតើវាសនារបស់បុរសកូន១ខាងលើ នឹងទៅជាយ៉ាងណា? ទៅលេងនៅ Man Utd ឬបន្តលេងនៅ Barca ដដែល?

ចុចអាន៖ Neymar បើកចិត្តទៅ Man Utd តែ Enrique ថាស្ងាត់ច្រៀប

ចុចអាន៖ Neymar៖ ខ្ញុំមិនចង់អស្ចារ្យជាង Messi ទេ

ប្រែសម្រួល៖ មុន្នី រម្យ ប្រភព៖ The Sun, The Guardian