លោក ហង់ ជួនណារ៉ុន សរសើរបុរសបរទេសធ្លាប់លក់ផ្ទះលក់ឡានមកជួយកម្ពុជា
- 2015-08-25 21:18:32
- ចំនួនមតិ 0 | ចំនួនចែករំលែក 0
លោក ហង់ ជួនណារ៉ុន សរសើរបុរសបរទេសធ្លាប់លក់ផ្ទះលក់ឡានមកជួយកម្ពុជា
ចន្លោះមិនឃើញ
រដ្ឋមន្ត្រីក្រសួងអប់រំយុវជននិង កីឡា លោក ហង់ ជួនណារ៉ុន បានកោតសរសើរនូវកិច្ចការងារ ព្រមទាំងទឹកចិត្តរបស់លោក Scott Neeson នាយកប្រតិបត្តិអង្គការមូលនិធិកុមារកម្ពុជា និង ជាអតីតអ្នកដឹកនាំរឿងហូលីវូដ ធ្លាប់បានលក់ផ្ទះ និង ឡានយកទ្រព្យសម្បត្តិមកជួយកុមារកម្ពុជា ជាច្រើនឆ្នាំកន្លងមកនេះ។
លោក ហង់ ជួនណារ៉ុន
ក្នុងពិធីបើកការដ្ឋានសាងសង់សាលាឈ្មោះ The Neeson- Cripps Academy (NCA) នៅក្បែរអតីតទីតាំងកន្លែងចាក់សំរាមនៅស្ទឹងមានជ័យ ដែលលោក Scott Neeson សម្រេចសាងសង់ដល់សិស្សក្រីក្រតំបន់នោះ លោក ហង់ ជួនណារ៉ុន បាននិយាយថា៖ "ខ្ញុំសូមវាយតម្លៃខ្ពស់ទៅលើសកម្មភាពរបស់ស្ថាបនិកអង្គការមូលនិធិកុមារ ក្នុងការលើកស្ទួយសិស្សក្រីក្រឲ្យទទួលបានការអប់រំ ដែលនេះជាកាយវិការដ៏ប្រពៃ និងគួរឲ្យកោតសរសើរជាទីបំផុត"។
លោកបន្តថា សកម្មភាពនេះពិតជាគួរមោទនភាពក្រៃលែង។ តំបន់នេះធ្លាប់ជាតំបន់ចាក់សំរាម ហើយប្រជាជននៅទីនេះភាគច្រើនក្រីក្រលំបាក និង មិនបានចូលរៀនជាប់លាប់ទេ តែបានប្រែក្លាយជាសាលារៀននិងពួកគេមានឱកាសទទួលចំណេះដឹង។ វិទ្យាល័យ NCA ផ្ដោតការអប់រំជាសំខាន់លើផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតសាស្ត្រដែលមានកម្ពស់ប្រាំជាន់ សង់លើផ្ទៃដី ៥០០០ ម៉ែត្រការេ ។
លោក Scott Neeson
លោក Scott Neeson បានមករស់នៅកម្ពុជាអស់ជាង ១១ ឆ្នាំមកហើយ ដោយបានលះបង់ការងារជាអ្នកដឹកនាំរឿងហូលីវូដនៅអាមេរិក ព្រមទាំងលក់ផ្ទះ លក់ទូក លក់ឡាន និង ជួលបុគ្គលិកក្នុងប្រទេសរបស់លោកម្នាក់ដើម្បីមកកាន់ប្រទេសកម្ពុជា បង្កើតអង្គការមូលនិធិកុមារកម្ពុជា (CCF) ដែលជាកន្លែងផ្ដល់នូវការសិក្សា ការហូបចុក ថ្នាំពេទ្យ កន្លែងបណ្ដុះបណ្ដាលគំនិតជាអ្នកដឹកនាំ ដល់កុមារកម្ពុជារាប់សិបនាក់៕
សូមអាន៖ អតីតអ្នកដឹកនាំរឿងហូលីវូដ កសាងសាលារៀនឲ្យសិស្សក្រីក្រនៅខ្មែរ
អត្ថបទ៖ លឹម សុនា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
