រោងភាពយន្តផ្លាទីនៀមសម្ពោធកម្មវិធី “ទេសកាលភាពយន្តខ្មែរលើកទី៣”
- 2015-08-26 17:22:12
- ចំនួនមតិ 0 | ចំនួនចែករំលែក 0
រោងភាពយន្តផ្លាទីនៀមសម្ពោធកម្មវិធី “ទេសកាលភាពយន្តខ្មែរលើកទី៣”
ចន្លោះមិនឃើញ
រោងភាពយន្តផ្លាទីនៀម មានកិត្តិយសសូមជម្រាបជូនលោក លោកស្រី អ្នកនាងកញ្ញានិងបណ្ដាអ្នកគាំទ្ររោងភាពយន្តផ្លាទីនៀមទាំងអស់ឱ្យបានជ្រាបថា យើងខ្ញុំរៀបចំកម្មវិធី “ទេសកាលភាពយន្តខ្មែរ លើកទី៣” កាលពីថ្ងៃទី ២៤ សីហា នៅឯផ្សារទំនើបសុរិយាជាន់ទី៥ និងនៅរោងភាពយន្ត ផ្លាទីនៀម ខេត្តសៀមរាប។ កម្មវិធីនេះត្រូវបានប្រារព្ធឡើងក្នុងគោលបំណង ដើម្បីលើកទឹកចិត្តផលិតករខ្មែរ និងពិសេសគឺលើកស្ទួយវិស័យខ្សែភាពយន្តខ្មែរ។
“កម្មវិធីទេសកាលភាពយន្តខ្មែរលើកទី៣” លើកយកខ្សែភាពយន្តខ្មែរចំនួន១៦រឿង មកចាក់បញ្ចាំង ក្នុងតម្លៃពិសេសគឺត្រឹមតែ១ ដុល្លារតែប៉ុណ្ណោះ។ កម្មវិធី “ទេសកាលភាពយន្តខ្មែរលើកទី ៣” ត្រូវបានចូលរួមពីសំណាក់ភ្ញៀវកិត្តិយសគឺលោកជំទាវ ភឿង សក្កណា រដ្ឋមន្ត្រី ក្រសួងវប្បធម៌ និងវិចិត្រសិល្បៈ ឯកឧត្តម ស៊ិន ចន្ទសាយ៉ា ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ រួមទាំង ផលិតករ (លោកលី ប៊ុនយីម និងលោក ឆាយ បូរ៉ា) និង សិល្បករល្បីៗមួយចំនួនទៀត។
គួរបញ្ជាក់ផងដែរថា ចំពោះថវិកាដែលរកបានពី ការចាក់បញ្ចាំងនៅរោងភាពយន្ត ផ្លាទីនៀម សូរិយា នឹងផ្ដល់ទៅមន្ទីរពេទ្យគន្ធបុប្ផា។ ដោយឡែក ថវិកាដែលរកបាន ពីការចាក់បញ្ចាំងនៅរោងភាពយន្ត ផ្លាទីនៀម សៀមរាប នឹងត្រូវបរិច្ចាគទៅមន្ទីរពេទ្យកុមារអង្គរ ខេត្ត សៀមរាប។
រោងភាពយន្តផ្លាទីនៀម តែងតែជួយលើកកម្ពស់វិស័យអប់រំនិងសុខាភិបាលតាមរយៈកម្មវិធីសប្បុរសធម៌ផ្សេងៗដូចជាការប្រមូលមូលនិធិជួយដល់កុមារកំព្រានៅខេត្តកំពង់ស្ពឺ មូលនិធិជួយដល់អង្គការបណ្ដាញទូរសព្ទជំនួយកុមារកម្ពុជា និងមូលនិធិជួយដល់ប្រជាជននេប៉ាល់តាមរយៈអង្គការ ActionAid ជាដើម។
-អាសយដ្ឋាន៖ ផ្សារទំនើបសូរិយា ជាន់ទី៥ផ្លូវលេខ ៦៣ រាជធានីភ្នំពេញ កម្ពុជា -ទាក់ទងលេខទូរសព្ទ៖ ០៩៦ ៨ ១៦៨ ១៦៨/០៧៧ ៦៦៦ ៣១០ -វិបសាយ៖ www.platinumcineplex.com.kh
អត្ថបទ៖ ពាណិជ្ជកម្ម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
