បុរសដែលវះកាត់មុខដូច Justin Bieber ត្រូវបានរកឃើញស្លាប់នៅក្នុងផ្ទះសំណាក់មួយ

2015-08-27 16:29:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងជាអ្នកគាំទ្រផ្កាប់មុខរបស់ Justin Bieber ឈ្មោះ Tobias Strebel ដែលមានវ័យ ៣៥ឆ្នាំ ត្រូវបានប្រទះឃើញស្លាប់នៅក្នុង ផ្ទះសំណាក់មួយកាលពីថ្ងៃទី២១ ខែសីហា នៅទីក្រុង North Hill រដ្ឋ California។ នេះបើតាមរបាយការណ៍សារព័ត៌មាន TMZ ចុះផ្សាយម្សិលមិញ។

Justin Bieber (ឆ្វេង) Tobias Strebel (ស្ដាំ)

បើផ្អែកតាមសម្ដីរបស់អ្នកពិនិត្យសាកសពនៅរដ្ឋ California បានឲ្យដឹងថា Strebel បានស្លាប់កាលពីថ្ងៃទី ២១ ខែសីហា វេលាម៉ោង ៥ល្ងាច។ Tobias បានបាត់ខ្លួនកាលពីថ្ងៃទី១៨ ខែសីហា ក្រោយពីបានបែកគ្នាជាមួយមិត្តប្រុសរបស់ខ្លួន ដោយត្រូវបានគេឃើញជាលើកចុងក្រោយនៅ West Hollywood កាលពីថ្ងៃទី ១៨ ខែសីហា។

កំឡុងពេលរកឃើញសាកសពរបស់តារាមួយនេះ ប៉ូលិសបានរកឃើញគ្រឿងញៀននៅក្នុងបន្ទប់ដែរ តែមូលហេតុដែលបណ្ដាលឲ្យឈានមកដល់ការបាត់បង់ជីវិតរបស់ Strebel មិនទាន់បានរកឃើញនៅឡើយទេ។

ក្រោយពីបានចំណាយថវិកាចំនួន ១០ម៉ឺនដុល្លារកែមុខឲ្យដូចតារាចម្រៀង Justin Bieber តារារូបនេះបានមានឈ្មោះល្បីល្បាញដោយបានបង្ហាញមុខក្នុងកម្មវិធីជាច្រើននៅលើកញ្ចក់ទូរទស្សន៍អាមេរិក៕