លេច Rolls-Royce ពណ៌ស្វាយនៅអង់គ្លេសស្អាតគួឲ្យទាក់ទាញមែនទែន
- 2015-08-27 21:18:14
- ចំនួនមតិ 0 | ចំនួនចែករំលែក 0
លេច Rolls-Royce ពណ៌ស្វាយនៅអង់គ្លេសស្អាតគួឲ្យទាក់ទាញមែនទែន
ចន្លោះមិនឃើញ
រថយន្តទំនើប Rolls-Royce ត្រូវបានកែច្នៃដោយស្រោបក្រណាត់កម្ញីពណ៌ស្វាយ បានបង្ហាញខ្លួននៅលើដងវិថីមួយកន្លែងក្នុងទីក្រុងឡុងដ៍ ដែលបង្កឲ្យមានការចាប់អារម្មណ៍យ៉ាងខ្លាំង។
រថយន្តដ៏ទំនើប និងសិចស៊ីមួយនោះគឺជាម៉ូដែល Rolls-Royce Phantom ដែលត្រូវបានគេហៅថា Drophead។ ដោយត្រូវបានរចនាឡើងដោយដំបូលអាចបញ្ជាបិទបើកបានយ៉ាងទំនើប Rolls-Royce Phantom មួយនេះក៏ត្រូវបានរចនាបន្ថែមពណ៌មាសនៅលើសំណាញ់ខាងមុខ កង់ កញ្ចក់ចំហៀង ទេវរូប Ecstasy សន្ទះគែមទ្វារបង្អួច និង ជុំវិញភ្លើងក្រោយ ដែលធ្វើឲ្យវារឹតតែមានភាពទាក់ទាញ និងស្រស់ស្អាត។
នេះមិនមែនជាលើកទីមួយនោះទេដែលមានរថយន្តស្រោបកាម្ញីបែបនេះបានបង្ហាញខ្លួន ប៉ុន្តែលើកនេះជាលើកទីមួយដែលបានឃើញរថយន្ត Rolls-Royce ស្រោបដោយក្រណាត់កម្ញីពណ៌ស្វាយស្អាត និងគួរឲ្យទាក់ទាញបែបនេះ៕
អានបន្ត៖ Rolls-Royce ថ្មី ពណ៌ទឹកសមុទ្រពាក់កណ្ដាល ផលិតតែមួយគ្រឿងប៉ុណ្ណោះ
ប្រែសម្រួល៖ សំនៀង ប្រភព៖ gtspirit, mirror