Apple TV កំណែប្រែថ្មីនឹងបង្ហាញខ្លួនជាមួយ iPhone ជំនាន់ក្រោយដែរ?
- 2015-08-30 18:35:55
- ចំនួនមតិ 0 | ចំនួនចែករំលែក 0
Apple TV កំណែប្រែថ្មីនឹងបង្ហាញខ្លួនជាមួយ iPhone ជំនាន់ក្រោយដែរ?
ចន្លោះមិនឃើញ
ក្នុងព្រឹត្តិការណ៍ប្រកាសផលិតផល iPhone ជំនាន់ថ្មី ដែលនឹងធ្វើនៅថ្ងៃទី៩ ខែក្រោយ Apple អាចនឹង បញ្ចេញ Hardware ទូរទស្សន៍ថ្មីរបស់ខ្លួន ដែលទើបបានបំពាក់។ នេះបើយោងតាមគេហទំព័រ Apple Insider។
ក្នុងគេហទំព័រ TechCrunch ដែលត្រូវបានបង្ហាញដោយ Matthew Panzarino ដែលទទួលព័ត៌មានពីប្រភពធ្វើការទាក់ទងនឹងផលិតផល Apple ឲ្យដឹងថា Hardware របស់ Apple TV ត្រូវបានកែតម្រូវឲ្យប្រសើរឡើងវិញ ដោយបំពាក់ A8 processor ដូចក្នុងទូរសព្ទស៊េរី iPhone 6 ធ្វើឲ្យប្រសើរឡើងនូវ Interface របស់ទូរទស្សន៍។ លើសពីនេះ លោកថា កម្មវិធី Siri ដែលបំពាក់លើ iPhone កន្លងមកនឹងមានវត្តមានក្នុងទូរទស្សន៍ជំនាន់ថ្មីនេះដែរ ដែលអាចនិយាយឆ្លើយឆ្លងជាមួយអ្នកប្រើប្រាស់តាមរយៈ Microphone ដែលមានបំពាក់នៅលើផលិតផលបច្ចេកវិទ្យាថ្មីនេះ។
ទោះបីយ៉ាងណា ព័ត៌មានដែលបានលេចឮតាមប្រភពនេះមិនប្រាកដថា ត្រូវមួយ១០០ភាគរយនោះទេ។ ចង់ដឹងថា Apple នឹងប្រកាស Apple TV របស់ខ្លួនដោយមានបំពាក់បច្ចេកវិទ្យាកាន់តែទំនើបឬយ៉ាងណា មានតែរង់ចាំថ្ងៃទី៩ ខែក្រោយនេះ។
ប្រភព៖ appleinsider, techcrunch