Floyd ប្រាប់ថាឈប់ប្រដាល់ ដោយសារតែខ្លួនខ្លាំងជាងគេលើលោក
- 2015-09-03 18:25:03
- ចំនួនមតិ 0 | ចំនួនចែករំលែក 0
Floyd ប្រាប់ថាឈប់ប្រដាល់ ដោយសារតែខ្លួនខ្លាំងជាងគេលើលោក
ចន្លោះមិនឃើញ
Floyd Mayweather ប្រាប់មូលហេតុដែលឈប់ប្រដាល់ថាមកពីរូបគេខ្លាំងដល់កំពូលហើយ គ្មាននរណាអាចឈ្នះគេទៀតទេ ព្រោះថាកំណត់ត្រា៤៩ប្រកួតមិនដែលចាញ់នេះគឺស្មើជាមួយកំពូលស្ដេចប្រដាល់ Rocky Marciano ។
Floyd មានទំនុកចិត្តខ្ពស់ថាអាចនឹងឈ្នះ Andre Berto នៅថ្ងៃទី១២ កញ្ញាខាងមុខនេះ។ ដូច្នេះហើយរូបគេគិតថាកំណត់ត្រា៤៩ប្រកួតមិនដែលចាញ់នោះគឺអាចល្មមគ្រប់គ្រាន់ដើម្បីឱ្យចូលនិវត្តន៍ពីសង្វៀនបានហើយ ព្រោះថាវាស្មើទៅនឹងកំណត់ត្រារបស់ Marciano (ស្ដេចប្រដាល់អាមេរិក)។ មួយវិញទៀត អ្នកប្រដាល់វ័យ៣៨ឆ្នាំរូបនេះក៏គិតថាទោះបន្តប្រដាល់ទៀត ក៏គ្មាននរណាអាចយកឈ្នះរូបគេបានដែរ ។
បន្ថែមពីលើនេះ កីឡាករមានរហស្សនាមថា Money រូបនេះបាននិយាយថា៖ “ខ្ញុំចូលនិវត្តន៍ព្រោះចង់មានពេលសម្រាកខ្លះ។ ខ្ញុំត្រូវគិតពីសុខភាពខ្លួនឯង។ អ្នកអាចរកលុយបានច្រើន ប៉ុន្តែអ្នកត្រូវការពេលវេលាដើម្បីចាយលុយនោះដែរ មិនចង់មានពេលខ្លីទេ”។
ងាកទៅមើលកំណត់ត្រារបស់ Marciano ដែល Floyd គិតថាខ្លួនបានឈានដល់ហើយនោះគឺ៤៩ប្រកួត ឈ្នះទាំង៤៩ប្រកួតហើយផ្ដួលដៃគូឱ្យសន្លប់បាន៤៣ដង ខណៈដែល Floyd វិញ ៤៨ប្រកួត (មិនគិតប្រកួតនៅថ្ងៃទី១២នេះ) ឈ្នះទាំង៤៨ប្រកួត តែផ្ដួលដៃគូឱ្យសន្លប់បានតែ២៦ដងប៉ុណ្ណោះ។
ចាំមើលទាំងអស់គ្នា ថាតើ Floyd អាចយកជ័យជម្នះលើកទី៤៩ មុនចូលនិវត្តន៍ដូចការគិតបានដែរឬអត់?
ចុចអាន៖ ការប្រកួតរបស់ Floyd និង Berto អាចជាគ្មានអ្នកចូលមើលច្រើន
ប្រែសម្រួល៖ មុន្នី រម្យ ប្រភព៖ nydailynews