ការប្រកួតរបស់ Floyd និង Berto អាចជាគ្មានអ្នកចូលមើលច្រើន

2015-08-20 20:25:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតរបស់ Floyd Mayweather និង Andre Berto នឹងធ្វើឡើងនៅថ្ងៃទី១២ ខែកញ្ញាក្រោយនេះហើយ ប៉ុន្តែការលក់សំបុត្រចូលទស្សនាវិញហាក់ដូចជាមិនជោគជ័យនោះទេ ទោះជាលក់ក្នុងតម្លៃថោកយ៉ាងណាក្ដី។

សំបុត្រចូលមើលការប្រកួតចុងក្រោយមុនចូលនិវត្តន៍របស់ Floyd ត្រូវបានដាក់លក់ហើយនៅលើទីផ្សារនានា តែមិនមានតម្លៃថ្លៃ និងពេញនិយមដូចការប្រកួតជាមួយ Manny Pacquiao នោះទេ។ យោងតាមទីផ្សារ secondary ដែលបានដាក់លក់សំបុត្រនោះ បានឱ្យដឹងថាសំបុត្រចូលមើលការប្រកួត Floyd និង Berto លក់ត្រឹមតែ ១២៤២ដុល្លារប៉ុណ្ណោះហើយមិនសូវមានគេទិញនោះទេ ចំណែកឯកាលប្រកួតជាមួយ Pacman វិញដាក់លក់ដល់ទៅ ៤៨៣០ដុល្លារហើយ រកសំបុត្រលក់គ្មានទៀត។ នេះមានន័យថា ការប្រកួតនៅពេលខាងមុខអាចជាមិនសូវអ៊ូរអរដូចមុននោះទេ។

ងាកទៅខាងកន្លែងស្នាក់នៅវិញ គិតត្រឹមថ្ងៃនេះដូចគ្នាកាលប្រកួតជាមួយ Pacquiao គ្រប់សណ្ឋាគារទាំងអស់ត្រូវបានកក់ទុកអស់ទៅហើយ ដោយមានតម្លៃខ្ពស់ទៀត ប៉ុន្តែប្រកួតនេះវិញសណ្ឋាគារទាំងអស់នៅទំនេរ ហើយមានតម្លៃថោកត្រឹមតែ១៣៤ដុល្លារប៉ុណ្ណោះអាចកក់ទុកបានហើយ។

ទោះជាយ៉ាងនេះក្ដី ការប្រកួតខាងលើនេះ Floyd ធ្លាប់បានប្រកាសហើយថារូបគេមិនចង់បានលុយទៀតទេ ព្រោះជាប្រកួតចុងក្រោយមុនចូលនិវត្តន៍។ លើសពីនេះទៅទៀត អ្នកប្រដាល់មិនដែលចាញ់រូបនេះនិយាយទៀតថានឹងមានការប្រគំតន្ត្រីដោយមានការអញ្ជើញពីតារាល្បីៗចូលរួមទៀតផងក្នុងរាត្រីថ្ងៃប្រកួតនោះ៕

ចុចអាន៖ Floyd ថាប្រកួតចុងក្រោយ នឹងធ្វើឱ្យប្លែកជាងគេមិនធ្លាប់មាន

ប្រែសម្រួល៖ មុន្នី រម្យ ប្រភព៖ huffingtonpost