យុវតីម្នាក់នេះដឹកនាំ U-13 ខេត្តប៉ៃលិនឡើងដល់វគ្គ៨ក្រុមជើងឯកជាតិ២០១៥

2015-09-03 20:46:27
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតី ហុង សុភា ជាគ្រូបង្វឹកក្រុមបាល់ទាត់ក្រោមអាយុ១៣ឆ្នាំ (U-13) របស់ខេត្តប៉ៃលិនបានដឹកនាំក្រុមឡើងដល់វគ្គ៨ក្រុមចុងក្រោយ សម្រាប់ការប្រកួតជ្រើសរើសជើងឯកថ្នាក់ជាតិឆ្នាំ ២០១៥ ដែលកំពុងដំណើរការប្រកួតនៅទីលានមជ្ឈមណ្ឌលជាតិបាទី ខេត្តតាកែវ។

កញ្ញា ហុង សុភា (រូបថតផ្ដល់ឲ្យ)

ហុង សុភា បានឲ្យដឹងថា កញ្ញាបានចូលខ្លួនមកដឹកនាំក្រុមបាល់ទាត់ U-13 ខេត្តប៉ៃលិនបានពីរឆ្នាំមកហើយ ក្នុងចំណោម២ ឆ្នាំដែលចូលខ្លួនមកដឹកនាំនេះកញ្ញា បានជួយឲ្យក្រុមមួយនេះឡើងដល់វគ្គ ៨ក្រុមចុងក្រោយទាំងពីរលើក។ ក្នុងឆ្នាំនេះកញ្ញាសង្ឃឹមយ៉ាងខ្លាំងថា នឹងឡើងទៅវគ្គបន្តទៀត(៤ក្រុមចុងក្រោយ) ពីព្រោះគូប្រជែងអធិរាជភ្នំស្វាយ ដែលជួបគ្នាល្ងាចនេះមិនស្ថិតក្នុងចំណោមក្រុមដែលជាការព្រួយបារម្ភរបស់ខេត្តប៉ៃលិនឡើយ។

គ្រូបង្វឹករូបនេះប្រាប់ទៀងថា ទោះបីខ្លួនជាស្រីក៏មិនមានបំណងចង់ចាកចេញពីវិស័យបាល់ទាត់ឡើយ ហើយឆ្នាំនេះកញ្ញាមានបំណងចង់ដឹកនាំក្រុមខេត្តប៉ៃលិនធ្វើឲ្យបានល្អបំផុត ដើម្បីបង្កើតប្រវត្តិសាស្ត្រ គ្រូបង្វឹកស្រីដែលដឹកនាំកីឡាបាល់ទាត់យុវជនទទួលបានជោគជ័យនៅប្រទេសកម្ពុជា។ កូនក្រុមឆ្នាំនេះលេងបានល្អបង្គួរ ដូចការយល់ចិត្តគ្នាក្នុងការបញ្ជូនបាល់ ខ្សែការពាររហ័សក្នុងការកែប្រែបាល់ដែលខូចឲ្យមកជាល្អ និងខ្សែប្រយុទ្ធមុតស្រួច ទម្រង់លេងល្អបែបនេះមកពីការត្រៀមខ្លួនហ្វឹកហាត់មានរយៈពេលយូរ។

យុវតីរូបនេះប្រាប់ទៀតថា សមត្ថភាពក្រុមទាំង ៨ ដែលបានឡើងមកដល់វគ្គនេះពិតជាខ្លាំងដូចៗគ្នា ប៉ុន្តែក្រុមខេត្តប៉ៃលិនសង្ឃឹមថា នឹងអាចប្រជែងយកចំណាត់ថ្នាក់ល្អ ពីព្រោះកញ្ញាជឿទៅលើការដឹកនាំរបស់ខ្លួន។ កូនក្រុមទាំងអស់ស្ដាប់បង្គាប់ដោយលេងទៅតាមទម្រង់ដែលបានរៀបចំទុក ជាពិសេសពួកគេមានសាមគ្គីភាពលើទីលានបានល្អ។

ក្រុមកីឡាករ U-13 ឆ្នាំខេត្តប៉ៃលិន

កម្មវិធីប្រកួតវគ្គ ១/៤
កាលបរិច្ឆេទ	ក្រុម	ប្រកួត	ក្រុម	ម៉ោង	ទីលាន
៣/០៩/១៥	យុវជនរតនៈ	Vs	មន្ទីរ អ.យ.ក ខេត្តប៉ៃលិន	២:០០	ទីលានបាទី
	អ.ហ ខេត្តពោធិ៍សាត់	Vs	យុវជនឧត្ដរ	៤:០០
	សៀមរាប	Vs	មន្ទីរ អ.យ.ក ខេត្តតាកែវ	២:០០
	អធិរាជភ្នំស្វាយ	Vs	ខេត្ត ប៉ៃលិន	៤:០០

អត្ថបទ៖ ស្រី សុវណ្ណដារ៉ា

ពាក្យទាក់ទង

Youth League U-13

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម