ជម្រុះ Euro 2016៖ ហុល្លង់ អាចសងសឹកអ៊ីស្លង់ បានទេយប់នេះ?
- 2015-09-03 23:44:58
- ចំនួនមតិ 0 | ចំនួនចែករំលែក 0
ជម្រុះ Euro 2016៖ ហុល្លង់ អាចសងសឹកអ៊ីស្លង់ បានទេយប់នេះ?
ចន្លោះមិនឃើញ
ក្រុមជម្រើសជាតិទឹកក្រូចហុល្លង់ ដែលដឹកនាំដោយអ្នកចាត់ការថ្មី និងប្រធានក្រុមថ្មី នឹងត្រូវបើកសករាជថ្មី ត្រៀមប៉ះក្រុមកំពុងឡើងជើងខ្លាំងអ៊ីស្លង់ (Iceland) ដែលកំពុងឈរលើកំពូលតារាងពូល A នៃវគ្គជម្រុះតាមពូល Euro 2016 នៅទីក្រុង Amsterdam នារាត្រីនេះវេលាម៉ោង០១:៤៥នាទីរំលងអាធ្រាត្រ។
នៅពូល A នេះ ហុល្លង់មាន១០ពិន្ទុ ស្ថិតនៅលេខ៣ ដោយចាញ់ក្រុមកំពូលតារាងអ៊ីស្លង់៥ពិន្ទុ និងចាញ់ក្រុមលេខ២សាធារណរដ្ឋឆែក៣ពិន្ទុ។ រីឯការប្រកួតកាលជើងទី១គឺ អ៊ីស្លង់ បានបំបាក់ហុល្លង់ ដោយលទ្ធផល ២-០។
លោក Danny Blind វ័យ៥៤ឆ្នាំ ដែលឡើងកាន់តំណែងគ្រូបង្វឹកក្រុមហុល្លង់ ជំនួសតំណែងគ្រូបង្វឹកចាស់ Guus Hiddink បានតែងតាំងខ្សែបម្រើ Arjen Robben ជាប្រធានក្រុមថ្មី ដោយឲ្យប្រធានក្រុមចាស់ Robin van Persie ធ្វើជាប្រធានក្រុមរងវិញ ដូច្នេះយប់នេះ ជារឿងបើកប្រវត្តិសាស្ត្រថ្មីមួយទៀត សម្រាប់ក្រុមហុល្លង់។
សម្រាប់គូប្រកួតជម្រុះតាមពូល Euro 2016 ទាំងអស់យប់នេះ គឺមាន៩គូ ខណៈដែលអាហ្សែបែហ្ស ប៉ះក្រូអាត នឹងបើកឆាកមុនគេនៅម៉ោង១១:០០នាទី រីឯគូផ្សេងទៀត នឹងចាប់ផ្ដើមនៅម៉ោង០១:៤៥នាទីដូចគ្នា។
ដូច្នេះប្រិយមិត្តអាចតាមដានគូពិសេសខាងលើនេះបាន តាមរយៈស្ថានីយទូរទស្សន៍ CTN & CNC ដែលផ្សាយបន្តផ្ទាល់ផងដែរ៕
-ចុចអាន៖ អង់គ្លេស ចង់រក្សាកំណត់ត្រាឈ្នះ១០០% នៅវគ្គជម្រុះ Euro 2016
ប្រែសម្រួល៖ វិន ជីវ័ន្ត ប្រភព៖ uefa
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
