អង់គ្លេស ចង់រក្សាកំណត់ត្រាឈ្នះ១០០% នៅវគ្គជម្រុះ Euro 2016
- 2015-09-03 18:10:09
- ចំនួនមតិ 0 | ចំនួនចែករំលែក 0
អង់គ្លេស ចង់រក្សាកំណត់ត្រាឈ្នះ១០០% នៅវគ្គជម្រុះ Euro 2016
ចន្លោះមិនឃើញ
លោក Roy Hodgson គ្រូបង្វឹកក្រុមជម្រើសជាតិតោកំណាចអង់គ្លេស បានប្រាប់ដល់កូនក្រុមរបស់លោកថា ត្រូវតែខិតខំធ្វើឲ្យបានល្អបំផុត ដើម្បីរក្សាកំណត់ត្រាឈ្នះ១០០% (ឈ្នះទាំងអស់) នៅក្នុងការប្រកួតវគ្គចែកពូល Euro 2016។ នេះបើតាមខ្សែបម្រើ Jonjo Shelvey របស់ក្លិប Swansea City បានបង្ហើបប្រាប់។
ពូល E របស់អង់គ្លេស នៅសល់តែ៤ប្រកួតទៀតនឹងបញ្ចប់ហើយ ខណៈដែល៦ប្រកួតកន្លងទៅ អង់គ្លេសឈ្នះទាំង៦ប្រកួត មាន១៨ពិន្ទុឈរកំពូលតារាង លើក្រុមលេខ២ស្វីស ចំនួន៦ពិន្ទុ។ បើអង់គ្លេសអាចយកឈ្នះសាន់ម៉ារីណូ ហើយស្លូវើនៀ មិនអាចយកឈ្នះស្វីសបាន នៅចុងសប្ដាហ៍នេះទេ នោះអង់គ្លេសនឹងជាប់ទៅលេង Euro 2016 នៅប្រទេសបារាំងដោយស្វ័យប្រវត្តិ។
យ៉ាងណា លោក Hodgson បានប្រាប់ដល់កូនក្រុមរបស់លោក កាលពីថ្ងៃអង្គារថា អង់គ្លេសត្រូវតែឈ្នះគ្រប់ការប្រកួតដែលនៅសល់ ដើម្បីរក្សាកំណត់ត្រាឈ្នះ១០០%។
Shelvey បាននិយាយថា៖ "សង្ឃឹមថា យើងនឹងធ្វើបានល្អដូចការគិតទុក ហើយក៏គ្មានហេតុផលអ្វី ដែលថាយើងមិនអាចដែរ។ ខ្ញុំគិតថា យើងមានសមត្ថភាពគ្រប់គ្រាន់។
អង់គ្លេស នឹងប៉ះសាន់ម៉ារីណូ នៅយប់ថ្ងៃសៅរ៍ចុងសប្ដាហ៍នេះ វេលាម៉ោង១១យប់ និងប៉ះស្វីស នៅយប់ថ្ងៃអង្គារសប្ដាហ៍ក្រោយ មុនប៉ះអេស្តូនី និងលុចហ្សំបួរ នៅខែតុលាខាងមុខ ដើម្បីបញ្ចប់ការប្រកួតវគ្គជម្រុះ។
តោះ! មើលជើងអង់គ្លេស ត្រៀមប៉ះសាន់ម៉ារីណូ និងស្វីស ខាងក្រោម៖
អ្នកចាំទី៖ Joe Hart (Manchester City), Jack Butland (Stoke City), Tom Heaton (Burnley)។
ខ្សែការពារ៖ Nathaniel Clyne (Liverpool), Luke Shaw (Manchester United), Kieran Gibbs (Arsenal), Gary Cahill (Chelsea), Chris Smalling (Manchester United), John Stones, Phil Jagielka (Both Everton)។
ខ្សែបម្រើ៖ Michael Carrick (Manchester United), James Milner (Liverpool), Ross Barkley (Everton), Jonjo Shelvey (Swansea), Alex Oxlade-Chamberlain (Arsenal), Raheem Sterling, Fabian Delph (Both Manchester City), Ryan Mason (Tottenham)។
ខ្សែប្រយុទ្ធ៖ Wayne Rooney (Manchester United), Harry Kane (Tottenham), Jamie Vardy (Leicester), Theo Walcott (Arsenal)៕
ចុះប្រិយមិត្តជឿថា អង់គ្លេសអាចរក្សាកំណត់ត្រាឈ្នះ១០០% បានទេ?
-ចុចអាន៖ ជម្រុះ Euro៖ Rooney ស៊ុតចុងម៉ោងឲ្យអង់គ្លេសបន្តកំណត់ត្រាឈ្នះរហូត
ប្រែសម្រួល៖ វិន ជីវ័ន្ត ប្រភព៖ bbc