ព្យុហយាត្រាកក្រើកចិនម្សិលមិញបង្ហាញសុទ្ធតែសព្វាវុធទំនើបចុងក្រោយ

2015-09-04 16:19:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃព្រហស្បតិ៍ម្សិលមិញ ប្រទេសចិនបានប្រារព្ធព្យុហយាត្រាអបអរខួបលលើកទី៧០ នៃជ័យជម្នះលើសង្គ្រាមលោកលើកទីពីរ ដែលមានការចូលរួមពីប្រមុខដឹកនាំនៃប្រទេសនានាជាច្រើន។ ក្នុងឱកាសនោះ មហាយក្សអាស៊ីក៏បានបង្ហាញសព្វាវុធទំនើបៗចុងក្រោយគ្រប់ប្រភេទផងដែរ។

ចាប់ពីព្រឹកព្រលឹមថ្ងៃពុធម្សិលមិញ ប្រមុខដឹកនាំរដ្ឋនៃបណ្ដាប្រទេសជាច្រើនបានធ្វើដំណើរដល់ទីលាន ធានអានមិន ដើម្បីសម្ដែងការគួរសមជាមួយប្រធានាធិបតីចិន ហ្ស៊ី ជីនពីង និងចូលរួមទស្សនាព្យុហយាត្រាដ៏អស្ចារ្យ។ កងកិត្តិយសពីប្រទេសចំនួន១៧ ត្រូវអញ្ជើញឲ្យចូលរួមជាមួយទាហានចិនទាំង ១២០០០នាក់ ដែលក្នុងនោះក៏មានវត្តមាន ៧នាក់ពីព្រះរាជាណាចក្រកម្ពុជាផងដែរ។

អ្វីដែលគួរឲ្យចាប់អារម្មណ៍បំផុត គឺប្រទេសចិនបានបង្ហាញសព្វាវុធទំនើបៗជាច្រើន ប៉ុន្តែហាមឃាត់មិនឲ្យប្រជាជនទស្សនា។ កាំជ្រួច Dongfeng-21D(ទម្ងន់ជិត ១៣តោន) ដែលមានសមត្ថភាពអាចកម្ទេចនាវាដឹកយន្តហោះចម្បាំងត្រឹមមួយគ្រាប់ ត្រូវបង្ហាញជាលើកដំបូង។ ចំណែករថក្រោះ និងយន្តហោះចម្បាំងរាប់រយគ្រឿងទៀតក៏បានបង្អួតខ្លួនមុខមេដឹកនាំប្រទេសនានាផងដែរ៕