នារីចិត្តបុណ្យជួយសង្គ្រោះជីវិតបុរសភៀសខ្លួនអណ្ដែតលើទឹក១៣ម៉ោង
- 2015-09-05 16:21:14
- ចំនួនមតិ 0 | ចំនួនចែករំលែក 0
នារីចិត្តបុណ្យជួយសង្គ្រោះជីវិតបុរសភៀសខ្លួនអណ្ដែតលើទឹក១៣ម៉ោង
ចន្លោះមិនឃើញ
Sandra Tsiligeridu បានក្លាយជានារីក្លាហានម្នាក់ បន្ទាប់ពីអ្នកស្រីបានជិះទូកទៅជួយបុរសភៀសខ្លួនជនជាតិស៊ីរីម្នាក់ ដែលអណ្ដែតទឹកអស់រយៈពេល១៣ម៉ោងមកហើយ។
Tsiligeridu បាននាំក្រុមគ្រួសារទៅលំហែកាយនៅលើកោះ Kos ក្នុងប្រទេសក្រិក។ អំឡុងពេលជិះទូកលេងនោះដែរ អ្នកស្រីក៏បានប្រទះឃើញដូចមានរបស់អ្វីមួយផុសឡើងនៅកណ្ដាលសមុទ្រ ហើយក៏បានប្រាប់ទៅប្ដីអ្នកស្រីភ្លាម។ ភ្លាមនោះ ពួកគេបានជិះទូកម៉ាស៊ីនទៅកន្លែងនោះ ហើយក៏បានឃើញបុរសម្នាក់កំពុងតែដេកអណ្ដែតទឹកបោះដៃឱ្យជួយ។
អតីតតារាម៉ូដែលនិងសម្ដែងខាងលើបាននិយាយទៀតថា៖“គាត់ខ្សោយខ្លាំងណាស់ គាត់មិនអាចសូម្បីតែក្រោកឈរឬដើរ។ រឿងមួយគត់ដែលគាត់អាចធ្វើបានគឺគាត់ប្រាប់ថាគាត់មកពីស៊ីរី មានឈ្មោះថា Mohammed Besmar និងត្រូវគេធាក់ទម្លាក់ពីលើទូកជិតមួយថ្ងៃហើយ”។ បន្ទាប់ពីជួយសង្គ្រោះហើយ Tsiligeridu បាននាំបុរសខាងលើទៅកាន់ប៉ុស្ដិ៍ប៉ូលិសនៅក្បែរតំបន់នោះដើម្បីឱ្យពួកគេយក Mohammed ទៅកាន់មន្ទីរពេទ្យ។
សូមបញ្ជាក់ថាប៉ុន្មានថ្ងៃចុងក្រោយនេះ មានជនអន្តោប្រវេសន៍ជាច្រើនបានស្លាប់ដោយសារតែអត់អាហារ លិចទូកនិងកត្តាផ្សេងៗទៀតជាច្រើន។ ខណៈដែលបញ្ហានេះមិនទាន់មានអង្គភាពណាមួយចេញមុខមកជួយដោះស្រាយនៅឡើយទេ៕
ចុចអានព្យុហយាត្រាកក្រើកចិនម្សិលមិញបង្ហាញសុទ្ធតែសព្វាវុធទំនើបចុងក្រោយ
ប្រែសម្រួល៖ មុន្នី រម្យ ប្រភព៖ cnn
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
