បទថ្មីរបស់ Justin Bieber បំបែកកំណត់ត្រារបស់ One Direction

2015-09-07 20:36:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលនឹងដំណឹងក្រុមចម្រៀងប្រទេសអង់គ្លេស One Direction នឹងរំសាយក្រុមមួយរយៈក្នុងឆ្នាំក្រោយនេះ តារាចម្រៀងមកពីប្រទេសកាណាដា Justin Bieber បានបំបែកកំណត់ត្រារបស់ក្រុមចម្រៀងនេះតាមរយៈបទចម្រៀងថ្មីរបស់ខ្លួន។

បន្ទាប់ពីទទួលបានចំណាប់អារម្មណ៍យ៉ាងខ្លាំងពីការសម្ដែងនៅកម្មវិធីប្រគល់រង្វាន់ MTV VMAs បទ "What Do You Mean?” របស់ Justin Bieber បានទទួលបានសមិទ្ធផលថ្មីមួយទៀតហើយ។ គេហទំព័រ Spotify បានប្រាប់កាលពីថ្ងៃ ព្រហស្បតិ៍ថាបទ "What Do You Mean?” ត្រូវបានគេស្ដាប់ចំនួន ២១លានដងក្នុងរយៈពេលតែ ៥ថ្ងៃ។ បទមួយនេះបានបំបែកកំណត់ត្រាទាំងក្នុងប្រទេសអាមេរិកនិងទូទាំងពិភពលោក។ បទចម្រៀងដដែលនេះក៏បានបំបែកកំណត់ត្រារបស់បទ "Drag Me Down” របស់ក្រុមចម្រៀង One Direction ដែលបានចំណាយពេលមួយសប្ដាហ៍ដើម្បីទាក់ទាញបានអ្នកស្ដាប់បាន ២០លានដង។

តារាចម្រៀងវ័យ ២១ឆ្នាំរូបនេះបាននិយាយនៅក្នុងកម្មវិធី The Tonight Show Starring Jimmy Fallon កាលពីថ្ងៃអាទិត្យថា "ការសម្ដែងពិតជាធ្វើឲ្យខ្ញុំរំភើបខ្លាំងណាស់។ ខ្ញុំមិនបានរំពឹងថានឹងទទួលបានការគាំទ្រដូចនេះទេ"។ អាល់ប៊ុមថ្មីរបស់ Bieber នឹងចេញលក់នៅថ្ងៃទី ១៣ ខែវិច្ឆិកាខាងមុខ៕