Floyd ចំណាយជាង៣៨លានដុល្លារក្នុងការប្រកួតចុងក្រោយ តែអត់មានអ្នកមើល

2015-09-09 13:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតមុនចូលនិវត្តន៍របស់ Floyd Mayweather ជាមួយ Andre Berto ត្រូវបានគេដឹងថាមិនសូវមានអ្នកចូលទស្សនាប៉ុន្មាននោះទេ បើទោះជាកំពូលអ្នកប្រដាល់មិនដែលចាញ់រូបនេះបានចំណាយប្រាក់ផ្ទាល់ខ្លួនរហូតដល់ជាង៣៨លានដុល្លារក៏ដោយ។

របាយការណ៍មួយស្ដីពីការលក់សំបុត្របានបញ្ជាក់ឱ្យដឹងថានៅមានសំបុត្រជាច្រើនរយសន្លឹកទៀតមិនទាន់លក់អស់នោះទេ បើទោះបីពេលនេះកាន់តែកៀកដល់ថ្ងៃប្រកួតហើយក៏ដោយ។ ខណៈដែលតម្លៃសំបុត្រវិញកន្លែង VIP ត្រឹមតែ ១ ៥០០ដុល្លារប៉ុណ្ណោះខុសពីកាលប្រកួតជាមួយ Pacman មានតម្លៃ១ម៉ឺនដុល្លារ។ សំបុត្រដែលលក់បានច្រើនជាងគេគឺកន្លែងនៅក្រោយគេដែលមានតម្លៃតែ៨០ផោនប៉ុណ្ណោះ (១២២ដុល្លារ)។

តែទោះជាយ៉ាងនេះក្ដី Floyd ដែលបានចំណាយប្រាក់ជាង៣៨លានដុល្លារដើម្បីរៀបចំការប្រកួតនេះបាននិយាយថា៖ “គ្មាននរណាបង្ខំនរណានោះទេ។ ខ្ញុំមិនខ្វល់ឡើយ។ មើល ប្រសិនបើអ្នកចង់មើល ប្រសិនបើអ្នកមិនចង់មើលទេ កុំមើលអី”។ នេះមានន័យថា អ្នកប្រដាល់វ័យ៣៨ឆ្នាំរូបនេះអាចនឹងដឹងមុនហើយថា ការប្រកួតចុងក្រោយរបស់គេប្រហែលជាអាចមិនជោគជ័យ និងរកប្រាក់បានច្រើននោះទេ។

សូមបញ្ជាក់ជាថ្មីថា Floyd Mayweather ប្រកួតជាមួយ Andre Berto នៅថ្ងៃទី១២ ខែកញ្ញានេះហើយ នៅសង្វៀន MGM Grand Garden Arena សហរដ្ឋអាមេរិក៕

ចុចអាន៖ Floyd ប្រាប់ថាឈប់ប្រដាល់ ដោយសារតែខ្លួនខ្លាំងជាងគេលើលោក

ប្រែសម្រួល៖ មុន្នី រម្យ ប្រភព៖ telegraph