Facebook អនុញ្ញាតឲ្យអ្នកសារព័ត៌មានអាចបន្តផ្ទាល់វីដេអូលើ Facebook បាន
- 2015-09-11 18:03:35
- ចំនួនមតិ 0 | ចំនួនចែករំលែក 0
Facebook អនុញ្ញាតឲ្យអ្នកសារព័ត៌មានអាចបន្តផ្ទាល់វីដេអូលើ Facebook បាន
ចន្លោះមិនឃើញ
ដើម្បីផ្ដល់ភាពងាយស្រួលដល់អ្នកសារព័ត៌មានក្នុងការផ្សាយបន្តផ្ទាល់នូវព័ត៌មានទាន់ហេតុការណ៍ណាមួយ ក្រុមហ៊ុន Facebook បានបើកឲ្យដំណើរការកម្មវិធី Facebook Mention app ជាសាធារណៈ ដើម្បីអនុញ្ញាតឲ្យពួកគេផ្សាយវីដេអូបន្តផ្ទាល់ ( Live Video ) ពីព្រឹត្តិការណ៍ណាមួយទៅដល់មិត្តភ័ក្ដ ឬ អ្នកគាំទ្ររបស់ខ្លួនបានដឹងនៅលើ Facebook។
Facebook Mention app គឺជាកម្មវិធីមួយដែលក្រុមហ៊ុន Facebook បានប្រកាសដាក់ឲ្យប្រើប្រាស់កាលពីឆ្នាំ ២០១៤ ដោយកម្មវិធីនេះកំណត់ឲ្យប្រើតែបុគ្គលល្បីៗដូចជា តារាសម្ដែង តន្ត្រីករ និងបុគ្គលល្បីៗជាច្រើនទៀតដើម្បីឲ្យពួកគេ Live Video និងទំនាក់ទំនងជាមួយនឹងអ្នកគាំទ្ររបស់ខ្លួន។
ដោយឡែកនៅថ្ងៃម្សិលមិញ ក្រុមហ៊ុនបើកដំណើរការជាសាធារណៈសម្រាប់អ្នកសារព័ត៌មាន ឬ អ្នកប្រើប្រាស់ផ្សេងទៀតដែលមាន Profile ឬ Page ត្រូវបានផ្ទៀងផ្ទាត់ត្រឹមត្រូវ ( Verified Profile / Page ) ដោយ Facebook ដើម្បីឲ្យពួកគេ Live Video គេទៅកាន់ Friend ឬ Followers នៅលើ Facebook។
ដើម្បីប្រើប្រាស់នូវមុខងារនេះបាន អ្នកប្រើប្រាស់ត្រូវចូលទៅបំពេញទម្រង់ស្នើសុំពី Facebook ជាមុនសិន ដោយអាចចុចនៅទីនេះ...
អានបន្ត៖ Facebook ប្រកាសមុខងារ វីដេអូផ្សាយផ្ទាល់ថ្មី តែប្រើបានតែអ្នកល្បីៗ
ប្រែសម្រួល៖ សំនៀង
ប្រភព៖ theverge