អ្នកនេសាទចាប់បានត្រីមុខអាក្រក់បំផុតនៅជិតរោងចក្រនុយក្លែអ៊ែ Fukushima

2015-09-17 17:32:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រីមុខអាក្រក់ប្លែកគេ មានមាត់ធំដ៏កម្រ ត្រូវបានអ្នកនេសាទជនជាតិប៉ុនចាប់បាននៅជិតឆ្នេរសមុទ្រម្ដុំរោងចក្រផលិតថាមពលនុយក្លែអ៊ែ Fukushima កាលពីថ្ងៃម្សិលមិញ។ វាមានខ្លួនសម្បុរខ្មៅ និងខ្លួនតូចជាងក្បាល ហើយគ្រាន់តែរង្វះមាត់វា អាចលេបក្មេងតូចមួយចូលបានយ៉ាងងាយស្រួល។

អ្នកនេសាទឈ្មោះ Hirasaka Hiroshi បានចែកចាយរូបភាពទាំងនោះនៅគណនី Twitter របស់ខ្លួន ដោយនិយាយថាលោកបានចេញនេសាទនៅកាន់កោះហុកកៃដូ ពីរដងហើយក្នុងរយៈពេល៣ខែនេះ ហើយត្រីនេះចាប់បាននៅឆ្នេរកោះហុកកៃដូ ជិតរោងចក្រនុយក្លែអ៊ែរ Fukushima។

ត្រីនេះត្រូវគេស្គាល់ថាជា ត្រីចចក (Wolffish) ដែលជាធម្មតារស់នៅក្នុងមហាសមុទ្រប៉ាស៊ីភិច និងមហាសមុទ្រអាត្លង់ទិក ក្នុងជម្រៅដ៏សែនជ្រៅ ដែលវាស៊ីសត្វតូចៗតាមបាតសមុទ្រជាអាហារ។

ជាទូទៅវាមានប្រវែង ១,២ម៉ែត្រ តែអ្នកនេសាទរូបនេះចាប់បានមានប្រវែងដល់ទៅជិតពីរម៉ែត្រឯណោះ។ ត្រីចចក មានការចាប់អារម្មណ៍ច្រើន ដោយសារទំហំខ្លួន និងរូបរាងគួរឲ្យខ្លាច លើសពីនេះវាជាប្រភេទសត្វចម្លែកងាយរងគ្រោះក្នុងបញ្ជីរបស់ Animal Planet ទៀតផង។

ការចាប់បាននេះ អាចធ្វើឲ្យអ្នកនេសាទជប៉ុនមានក្ដីព្រួយបារម្ភបន្ថែមទៀត អំពីផលប៉ះពាល់នៃគ្រោះថ្នាក់រោងចក្រនុយក្លែអ៊ែសាជាថ្មី។ រោងចក្រនុយក្លេអ៊ែ Fukushima Daiichi ធ្លាប់បានធ្លុះធ្លាយដ៏ធំសម្បើម ដែលបង្កឡើងដោយគ្រោះរញ្ជួយដីកម្រិត ៨,៩រ៉ិចទ័រ កាលពីឆ្នាំ២០១១៕