CL ក្រុម 2NE1 ត្រៀមចេញអាល់ប៊ុមលើទីផ្សារអាមេរិក
- 2014-10-17 16:15:29
- ចំនួនមតិ 0 | ចំនួនចែករំលែក 0
CL ក្រុម 2NE1 ត្រៀមចេញអាល់ប៊ុមលើទីផ្សារអាមេរិក
ចន្លោះមិនឃើញ
តារាចម្រៀងកូរ៉េ CL សមាជិកក្រុម 2NE1 នឹងចេញបទចម្រៀងទោលជាភាសាអង់គ្លេស លើទីផ្សារអាមេរិក នៅរដូវផ្ការីក (ចន្លោះខែមីនា - ឧសភា) ឆ្នាំក្រោយនេះហើយ។
យោងតាមប្រភពផ្ទៃក្នុងជាច្រើនបានប្រាប់សារព័ត៌មាន Star News កាលពីថ្ងៃទី១៦ ខែតុលា ថា CL មានគម្រោងចេញអាល់ប៊ុមថ្មីលើទឹកដីអាមេរិកនារដូវក្ដៅឆ្នាំ២០១៥ខាងមុខនេះ។ ប្រភពបានឲ្យដឹងទៀតថា នាងបានថតបទចម្រៀងចប់មួយចំនួនហើយ។
សម្រាប់អាល់ប៊ុមថ្មីនេះ CL បានធ្វើការជាមួយផលិតកររបស់តារាចម្រៀងល្បីៗអាមេរិកដូចជា Justin Bieber និង Ariana Grande រួមទាំង Psy គឺ Scooter Braun ដែលបានចាប់អារម្មណ៍ ចំពោះជំនាញរ៉េប ការលេងម៉ូដ និងការប្រើប្រាស់ភាសាអង់គ្លេសដ៏ស្ទាត់ជំនាញរបស់នាង។
ឆ្លើយតបនឹងការលើកឡើងខាងលើនេះ ផលិតកម្ម YG Entertainment បានបញ្ជាក់តាមរយៈសារព័ត៌មាន Ten Asia ថា “វាជាការពិត គឺថា CL នឹងចេញបទចម្រៀងដំបូងលើទីផ្សារអាមេរិកនៅរដូវផ្ការីកឆ្នាំក្រោយ”។
ថ្មីៗនេះដែរ គេឃើញ តារាវ័យ ២៣ឆ្នាំរូបនេះ បានលេចមុខជាមួយតារាចម្រៀងល្បីអង់គ្លេស Rita Ora ក្នុងលេខថ្មីរបស់ទស្សនាវដ្ដី HIGH CUT ៕
អានអត្ថបទ៖ តារា KPOP ៩ដួង ដែលមានឈ្មោះដូចខ្មែរ
គិតថា CL នឹងជោគជ័យប៉ុណ្ណាដែរសម្រាប់ការចេញបទចម្រៀងនៅអាមេរិក?
អានអត្ថបទ៖ តារា KPOP ១០រូប ដែលអាចច្រៀងស្រែកបានខ្ពស់ជាងគេ
ប្រែសម្រួល៖ វ៉ាន់ថន ប្រភព៖allkpop© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
