Beckham បង្ហោះសារសរសើរកុមារកម្ពុជាថាក្លាហានមិនគួរឱ្យជឿ

2015-09-24 16:56:19
ចំនួនមតិ 0 | ចំនួនចែករំលែក 0

ចន្លោះមិនឃើញ

David Beckham បានបង្ហោះសារមួយថ្មីទៀតនៅលើបណ្ដាញសង្គម Facebook របស់ខ្លួនកាលពីយប់មិញនេះ ដែលក្នុងនោះអតីតកីឡាករឆ្នើមរូបនេះបានសរសេរសរសើរដល់ភាពក្លាហានរបស់កុមារនៅកម្ពុជា។

អត្ថន័យក្នុងសារនោះដែរ គឺមានន័យថា៖ “បន្ទាប់ពីបានជួបជាមួយកុមារអង់អាចក្លាហាននៅកម្ពុជាជាមួយ UNICEF ហើយបានឮពីការរំលោភបំពានដែលពួកគេបានឆ្លងកាត់ ខ្ញុំចង់ឱ្យមេដឹកនាំពិភពលោកទាំងអស់ធ្វើសកម្មភាពដើម្បីការពារក្មេងៗពីគ្រោះថ្នាក់។ គ្រប់កុមារទាំងអស់ ជាពិសេសកុមារដែលមិនមានការគាំពារ ឱ្យមានសុវត្ថិភាព។ សប្ដាហ៍នេះ ខ្ញុំនឹងធ្វើដំណើរទៅសភាយុវជនអង្គការសហប្រជាជាតិ ហើយខ្ញុំចង់ប្រាប់មេដឹកនាំពិភពលោកពីអ្វីដែលពួកគេត្រូវធ្វើដើម្បីកុមារទូទាំងពិភពលោក”។

គួររំលឹកថានេះជាសារទីពីរហើយ ដែល Beckham បានបង្ហោះដើម្បីជាការលើកទឹកចិត្តដល់កុមារនៅកម្ពុជា ហើយទាំងពីរលើកនេះដែរ រូបគេតែងតែនិយាយថាចង់ឱ្យអ្នកដឹកនាំពិភពលោកទាំងអស់ជួយក្មេងៗដែលរងគ្រោះជានិច្ច។

បុរសវ័យ៤០ឆ្នាំខាងលើ បានមកប្រទេសកម្ពុជាកាលពីប៉ុន្មានខែមុននេះតាមអង្គការ UNICEF ដើម្បីលើកស្ទួយវិស័យការពារកុមារដែលរងគ្រោះដោយការរំលោភបំពានគ្រប់រូបភាព៕