បុរសថៃម្នាក់លួចលលាដ៍ក្បាលខ្មោចធ្វើមន្តអាគម

2015-09-26 22:55:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិថៃ Narong Phumphuchit ត្រូវបានប៉ូលិសចាប់ខ្លួននៅផ្ទះរបស់ប្រពន្ធក្នុងស្រុក Loei ពីបទលួចលលាដ៍ក្បាលខ្មោច យកទៅធ្វើមន្តអាគម។

ប៉ូលិសបានឆ្មក់ចូលផ្ទះរបស់ Narong ក្នុងទីក្រុង Udon Thani ប្រទេសថៃ ហើយបានរកឃើញសម្ភារៈផ្លូវងងឹត រួមទាំងលលាដ៍ក្បាលមនុស្ស ក្នុងឆ្នាំងទៀតផង។ ចំណែកជនរួមគំនិត Arthit Kongkarian បានគេចខ្លួនបាត់ស្រមោល។

ប្រភពបានឱ្យដឹងថា ជនជាប់ចោទទាំងពីរបានទៅវាលកបខ្មោចមួយ (កន្លែងគោលដៅ) និង ជាកន្លែងកប់សពរបស់ Theerapong Seeraburin វ័យ ២៧ ឆ្នាំ ដែលបានស្លាប់កាលពីបីខែមុននេះ។ យ៉ាងណាកាលពីថ្ងៃទី ១៥ ខែកញ្ញាកន្លងមក ពួកគេបានទៅជីកផ្នូរយកលលាដ៍ក្បាល រួចយកទៅផ្ទះលោក Narong (កាត់ពាក់កណ្ដាល)។

លោក Arthit បានយកលលាដ៍ក្បាលពាក់កណ្ដាល ហើយគ្រោងយកសន្ទះ ត្រង់តំបន់ក្បាលដើម្បីបួងសួង និងលក់វាឱ្យភ្ញៀវបរទេស ក្នុងតម្លៃខ្ពស់ ១.៣៨២ ដុល្លារអាមេរិក។ នេះបើតាមការឱ្យដឹងពីគេហទំព័រ Bangkok Post៕

លោកតាអាយុ១០៥ឆ្នាំ ជាប់កំណត់ត្រាអ្នករត់ល្បឿន អាយុច្រើនជាងគេលើលោក

ប្រភព៖ bangkok ប្រែសម្រួល៖ អ៊ុំ សុភក្តិ