ក្រុមគ្រូពេទ្យជាច្រើននាក់ត្រូវបង្ខំឲ្យឈរបីសពក្មេង ក្រោយព្យាបាលស្លាប់
- 2015-10-01 20:47:34
- ចំនួនមតិ 0 | ចំនួនចែករំលែក 0
ក្រុមគ្រូពេទ្យជាច្រើននាក់ត្រូវបង្ខំឲ្យឈរបីសពក្មេង ក្រោយព្យាបាលស្លាប់
ចន្លោះមិនឃើញ
ភាពតានតឹងរវាងក្រុមគ្រូពេទ្យ និងគ្រួសារសពកំពុងឡើងកម្ដៅ នៅពេលវេជ្ជបណ្ឌិត និងគិលានុបដ្ឋាយិកាជាច្រើនរូបក្នុងមន្ទីរពេទ្យ ខេត្តហេណាន ភាគខាងជើងប្រទេសចិន ត្រូវគ្រួសារសពក្មេងបង្ខំឲ្យឈរបីសពនៅមុខមន្ទីរពេទ្យ ក្រោយពួកគេជួយសង្គ្រោះក្មេងមិនទាន់ពេលវេលា។
ជម្លោះបានផ្ទុះឡើងបន្ទាប់ពីក្មេងប្រុសនេះគ្រុនក្ដៅខ្លាំង និងស្លាប់អំឡុងពេលកំពុងព្យាបាលនៅមន្ទីរពេទ្យរដ្ឋស្រុក Taikang ក្រុង Zhoukou។ គ្រួសារក្មេងបានស្ដីបន្ទោស ចំពោះការស្លាប់នេះ ដោយសារ ក្រុមវេជ្ជបណ្ឌិតព្យាបាលមិនត្រឹមត្រូវ និងទទូចឲ្យពួកគេគួរទទួលខុសត្រូវករណីនេះ។
ក្មេងនេះត្រូវបានធ្វើរោគវិនិច្ឆ័យរកឃើញថា មានជំងឺរលាកផ្លូវដង្ហើម ខ្ទុះក្នុងឈាម និងរលាកខួរក្បាល បន្ទាប់ពីបញ្ជូនទៅកាន់មន្ទីរពេទ្យកាលពីយប់ថ្ងៃទី២៦ កញ្ញា កន្លងទៅ និងបានស្លាប់នៅរសៀលថ្ងៃបន្ទាប់។ នេះបើតាមនាយកដ្ឋានព័ត៌មានរដ្ឋប្រចាំស្រុក។
សារព័ត៌មានចិន The Beijing Times បានផ្សាយថា គ្រួសារក្មេងដែលមានកំហឹងបានស្ដីឲ្យ និងវាយគ្រូពេទ្យជាច្រើននាក់ថែមទៀត។
ពួកគេបានបង្ខំឲ្យក្រុមវេជ្ជបណ្ឌិត និងគិលានុបដ្ឋាយិកាដែលបានព្យាបាលក្មេង ឲ្យឈរបីសាកសពនៅពីមុខច្រកចូលមន្ទីរពេទ្យ ដោយមានបដាសរសេរថា "គ្មានក្ដីគោរពអាយុជីវិតអ្នកដទៃ សូមឲ្យកូនប្រុសខ្ញុំមកវិញ"។
តែទោះជាបែបនេះក្ដី ប៉ូលិសប្រចាំតំបន់ បានធ្វើការឃាត់ខ្លួនសមាជិកគ្រួសារក្មេងចំនួន ៤នាក់ហើយ និងតាមប្រភពដដែលថា ជម្លោះនេះកើតឡើងដោយសារការមិនយកចិត្តទុកដាក់ក្នុងការព្យាបាល។
រឿងនេះបានធ្វើឲ្យមានការជជែកពិភាក្សាយ៉ាងក្ដៅគគុកលើបណ្ដាញសង្គម Sina Weibo ដោយខ្លះបង្ហាញក្ដីអាណិតអាសូរក្មេង ដល់គ្រួសារសព តែខ្លះថាគ្រួសារនេះគ្មានក្ដីមេត្តា និងឈ្លើយជាមួយគ្រូពេទ្យ៕
-ចុចអាន៖ ឃើញពីងពាង យកដែកកេះទៅអុជ ឆាបឆេះក្នុងការ៉ាសសាំង
ប្រែសម្រួល៖ ឡេង ភារុណ ប្រភព៖ FB cctvnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
