រឿង "ទឹកកន្លះក្អម" ល្បីមានភាគហ៊ុនច្រើនពេលនេះផលិតកម្មថ្មី១មួយសុំចូលរួម

2015-10-09 13:11:48
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "ទឹកកន្លះក្អម" ដែលល្បីទាំងតារាសម្ដែង អ្នកនិពន្ធ និង ក្រុមបច្ចេកទេសជាង២០នាក់ ចូលហ៊ុនគ្នាផលិតនោះ ពេលនេះមានផលិតកម្មថ្មី១សុំចូលរួមចូលហ៊ុនផលិតជាមួយ។

ផលិតកម្មដែលចាប់អារម្មណ៍ចូលរួមផលិតរឿងមួយនេះ មានឈ្មោះថាផលិតកម្ម H2O។ ផលិតកម្មមួយនេះ ទើបតែបង្កើតពាក់កណ្ដាលឆ្នាំ ២០១៥នេះ ហើយធ្លាប់ផលិតរឿងមួយមានចំណងជើងថា "ខ្មោចប្រពន្ធស្ដេចល្បែង" គ្រោងចាក់បញ្ចាំងក្នុងពេលឆាប់ៗខាងមុខនេះ ។ ចាងហ្វាងផលិតកម្ម H2O លោក យិន សុខហេង ថ្លែងថា មូលហេតុដែលនាំឲ្យលោកចាប់អារម្មណ៍ចូលហ៊ុនជាមួយនេះ ក៏ព្រោះតែកន្លងមក លោកបានមើលឃើញគុណភាព ក៏ដូចជាស្នាដៃ និពន្ធ និងដឹកនាំសម្ដែង លោក សុខ សុធន់ និង លោក ឃុន ចាន់ឌី ដែលអ្នកនិពន្ធរឿងនេះ ទទួលបានការគាំទ្រច្រើន ពីទស្សនិកជន។

ម្យ៉ាងទៀតលោកចង់ធ្វើជា ជំហរ ក្នុងការចំណាយ ដើម្បីឲ្យអ្នកចូលហ៊ុនទាំងអស់មានទំនុកចិត្ត ផលិតរឿងមួយនេះទៅទទួលបានជោគជ័យ។ "ខ្ញុំជាអ្នកចេញថ្លៃការចំណាយធំជាងគេ ឧបមាថា គាត់មានទុនតែ៥០% អីចឹងសល់ប៉ុន្មាន ខ្ញុំជាអ្នកចេញទាំងអស់សិន"។

វត្តមានរបស់ផលិតកម្ម H2O ចូលមកនេះ មិនបានធ្វើឲ្យ ភាគហ៊ុនជាង២០នាក់ដែលបានចូលហ៊ុននោះបាត់ភាគហ៊ុនឡើយ ពោលអ្នកទាំងអស់នោះនៅតែមានភាគហ៊ុនដដែល នេះជាការបញ្ជាក់ របស់លោក សុខ សុធន់ ។ អ្នកដឹកនាំរឿងម្នាក់នេះ បញ្ជាក់ថា ក្រុមរបស់លោក គ្រាន់តែចង់បានអ្នកដែលមានធនធាន ជាជំហរ ក្នុងការចំណាយក្នុងការផលិតប៉ុណ្ណោះ។ "យើងខ្លាចថតទៅ ខ្វះលុយក្នុងការចំណាយផ្សេងៗ អីចឹងបើមានអ្នកជំហរមួយក៏ល្អដែរ" លោក សុខ សុធន់ ថ្លែង។

រឿង “ទឹកកន្លះក្អម” វិញ ជាខ្សែភាពយន្តបែបកំប្លែង លាយមនោសញ្ចេតនា ដោយខ្លឹមសារអប់រំចង់បង្ហាញ ការរើសអើងវណ្ណៈក្នុងការសម្រេចឲ្យកូនចៅមានគូស្រករ។ ក្រៅពីផលិតកម្ម H2O ភាគហ៊ុនដែលចូលរួមមាន លោក ពិន សំណាង លោក ឃុន ចាន់ឌី លោក សុខ សុធន លោក យឹម បូរ៉ា លោក ហេង ស៊ីមន អ្នកនាង ឈួន សុវណ្ណៃឆៃ លោកក្រិច ណាខុន លោក ប្រាក់ ផាកន នាយ ពាង លោក ឃុន សុវណ្ណធី លោក សុខ ប៊ុនធឿន កញ្ញា ហេង ស្រីពេជ្រ កញ្ញា លីលី កញ្ញា ស្រី ផលិកា កញ្ញា ណា តាយ៉ា និង តារាសម្ដែងព្រមទាំងក្រុមបច្ចេកទេសជាច្រើននាក់ទៀត។

រឿង “ទឹកកន្លះក្អម” មិនមានតារាណាម្នាក់ជាតួឯកឡើយ ពោលគឺគ្រប់គ្នាមានប្លង់ចេញស្មើៗគ្នា។ ដើម្បីឲ្យកាន់តែមានគុណភាព តាមការលើកឡើង របស់ លោក យិន សុខហេង រឿងមួយនេះបានបន្ថែម តារាកំប្លែង៣នាក់ទៀតគឺនាយ ចឺម នាយក្រូច និង នាងអ៊ីត។រឿងមួយនេះ គ្រោងចេញថតបន្ទាប់ពីភ្ជុំបិណ្ឌរួច ហើយទីតាំងនៃការថត មាននៅ កំពង់សោម និង រាជធានីភ្នំពេញ៕

អត្ថបទ៖ ខុត សីហា

ពាក្យទាក់ទង

ភាពយន្តជាតិ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អត្ថបទថ្មី

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម