ការប្រកួតជើងឯកវាយសីថ្នាក់ជាតិចាប់ផ្ដើមពីថ្ងៃទី១៥ដល់២០ ខែតុលានេះ
- 2015-10-08 22:00:37
- ចំនួនមតិ 0 | ចំនួនចែករំលែក 0
ការប្រកួតជើងឯកវាយសីថ្នាក់ជាតិចាប់ផ្ដើមពីថ្ងៃទី១៥ដល់២០ ខែតុលានេះ
ចន្លោះមិនឃើញ
បេក្ខជនចំនួន១៤៥នាក់នឹងចូលរួមប្រកួតកម្មវិធីជើងឯកវាយសីថ្នាក់ជាតិចាប់ពីថ្ងៃទី១៥ដល់២០ ខែតុលានេះនៅទីលានវាយសី ក្នុងបរិវេណពហុកីឡដ្ឋានជាតិ។
លោក ទុយ ប៊ុនហឿន ប្រធានការិយាល័យកីឡាទំនើបបានឲ្យដឹងថា បេក្ខជនទាំង១៤៥នាក់ដែលត្រូវចូលប្រកួតគឺមកពីបណ្ដាខេត្តនានា ដូចជា កំពង់ចាម ស្វាយរៀង កំពង់ឆ្នាំង ខេត្តព្រះសីហនុ កោះកុងជាដើម ខណៈដែលបេក្ខជនមួយចំនួនទៀតគឺនៅរាជធានីភ្នំពេញនេះ។ ចំពោះការប្រកួតវិញ ត្រូវបានបែងចែកជា៣គឺវិញ្ញាសាឯកត្តជន វាយជាគូ និងវាយជាក្រុមបុរសដែលមានគ្នាចំនួន៥នាក់។
ចំពោះជើងឯកវិញ អ្នកបានលេខមួយនឹងទទួលបាន១៥ម៉ឺនរៀន លេខ២បាន១០ម៉ឺនរៀល និងលេខ៣បានចំនួន៨ម៉ឺនរៀលសម្រាប់បេក្ខជនដែលវាយជាលក្ខណៈឯកត្តជន។ ចំណែកឯ វាយជាគូ និងវាយជាក្រុមវិញគឺគិតទៅតាមនោះដែរ (បើឈ្នះម្នាក់ៗនឹងទទួលបានប្រាក់រង្វាន់ដូចវិញ្ញាសាឯកត្តជន)។
លោក ទុយ ប៊ុនហឿន បានបញ្ជាក់បន្ថែមទៀតថាការរៀបចំនេះគឺដើម្បីស្វែងរកជើងខ្លាំង ក៏ដូចជាហ្វឹកហាត់ស្មារតីកីឡាករទាំងអស់ក្នុងការប្រកួតធំៗ ដើម្បីត្រៀមខ្លួនឈានទៅរកព្រឹត្តិការណ៍ស៊ីហ្គេម ២០២៣ ។ ចំពោះខាងសហព័ន្ធវាយសីវិញក៏បានរៀបចំការប្រកួតឈុតយុវជនវ័យ១៣ឆ្នាំ (U13) ដើម្បីជាថ្នាលមួយរួចជាស្រេចហើយដែរ៕
ចុចអាន៖អូឡាំពិកអន្តរជាតិសរសើរពីការផ្សព្វផ្សាយកីឡានៅកម្ពុជា
អត្ថបទ៖ មុន្នី រម្យ