គ្រឹះស្ថានសិក្សា ៥ សម្រាប់អ្នកចង់រៀនជំនាញ 3D Animation

2015-10-16 18:47:27
ចំនួនមតិ 0 | ចំនួនចែករំលែក 0

ចន្លោះមិនឃើញ

3D Animation ជាជំនាញដ៏មានសក្ដានុពលមួយ ស្របពេលដែលតម្រូវការអ្នកជំនាញបច្ចេកវិទ្យានេះសម្រាប់បម្រើក្នុងទីផ្សារការងារកំពុងមានការកើនឡើង។ ក្នុងប្រទេសកម្ពុជា ទោះបីការសិក្សាជំនាញ 3D ថ្មីនិងមិនទាន់មានភាពផុលផុសច្រើន ប៉ុន្តែក៏មានគ្រឹះស្ថានមួយចំនួនក៏បានបើកបង្រៀនជំនាញ 3D Animation ដើម្បីបំពេញតម្រូវការការសិក្សារបស់សិស្សនិស្សិត។

ខាងក្រោមជាគ្រឹះស្ថានចំនួន ៥ ដែលមិត្តអ្នកសិក្សាអាចស្វែងរកការសិក្សាជំនាញ 3D Animation ។

1/ សាកលវិទ្យាល័យលឹមកុកវឹង (Limkokwing University of Creative Technology) មានមហាវិទ្យាល័យ Faculty of Multimedia Creativityដែលបណ្ដុះបណ្ដាលថ្នាក់បរិញ្ញាបត្រជំនាញសិល្បៈរចនាគំនូរជីវចល ដែលការសិក្សាមានរយៈពេលបីឆ្នាំ។

កម្មវិធីសិក្សានៅឆ្នាំមូលដ្ឋាន និស្សិតត្រូវស្វែងយល់ពីមូលដ្ឋានជំនាញដូចជា៖ -Digital Imaging -Animation Practice -Film Structure -Conceptual Studies -Drawing -History of Animation -Video Production និងTypography Design

នៅឆ្នាំទីពីរ និស្សិតត្រូវសិក្សាពីជំនាញដូចជា៖

-Film Appreciation -Free Elective -Multimedia Imaging -Animation Practice -3D Modeling -Pr-Production Studies -3D Animation -3D Environment & FX -Research Methodology -Global Classroom

ចំណែកឯឆ្នាំទីបី និស្សិតត្រូវសិក្សាពីជំនាញដូចជា៖

-3D Animation -Animation Project Management -Dissertation for Animation -Direct Elective(Steam based ) -Professional Studies -Final Project -Entrepreneurship

Internship

បន្ទាប់ពីបញ្ចប់ការសិក្សាដោយជោគជ័យ និស្សិតអាចមានឱកាសការងារជា

-Animation Supervisors -Character Animator -3D Animator -3D Modelers -Digital Matte Artist Texture Artists

ព័ត៌មានបន្ថែម អាចទំនាក់ទំនងសាកលវិទ្យាល័យលឹមកុកវឹងតាមអាសយដ្ឋានអគារលេខ ១២០ និង ១២៦, ផ្លូវលេខ ១៩៨៦ សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។ 2/ វិទ្យាស្ថាន ស៊ីហ្គេក (CGEC Institute) មានបណ្ដុះបណ្ដាលវគ្គខ្លីនិងថ្នាក់បរិញ្ញាបត្រជំនាញ 3D Animation។

នៅឆ្នាំដំបូង ការសិក្សាផ្ដោតសំខាន់លើការគូររូប, ដំឡើងរូបតួអង្គ, បំពាក់ពណ៌ Texture ឲ្យតួអង្គ។ ចូលដល់ឆ្នាំទី២ ចាប់ផ្ដើមសិក្សាពីការចងឆ្អឹង, សិក្សាពីមូលដ្ឋានគ្រឹះនៃការធ្វើចលនារូបភាព និងម៉ូហ្សិន។ ចំណែកឯនៅឆ្នាំទី៣ និងទី៤ សិក្សាពីតិចនិកនៃការធ្វើចលនាឌីណាមិច( Dynamic Animation), វីហ្សូលអេហ្វិច(Virtual Effects), ម៉ូហ្សិនខាប់ឆើ(Motion Catures) និងធ្វើសារណាបញ្ចប់ការសិក្សា។

នៅវិទ្យាស្ថាននេះ ផ្ដោតសំខាន់ទៅលើការបង្កើតភាពយន្តគំនូរជីវចល 3D, Spot Commercial, 3D Film ជាដើម។ ជំនាញនេះគេសិក្សាអំពីការគូស ដែលមានការគូសជារូបតួអង្គ, គូសជាសាច់រឿង, ដាក់ពណ៌ដាក់ពន្លឺ, បច្ចេកទេសនៃការថត, បច្ចេកទេសនៃការបញ្ចូល 3D ទៅក្នុងវីដេអូ, បច្ចេកទេសនៃការចងឆ្អឹងឲ្យតួអង្គ, តិចនិកនៃការធ្វើចលនាឲ្យតួអង្គ រួមមានមុខវិជ្ជាជាច្រើនទៀតដែលត្រូវសិក្សា។ ព័ត៌មានបន្ថែមអាចទំនាក់ទំនងវិទ្យាស្ថានស៊ីហ្គេត ដែលមានទីតាំងស្ថិតនៅលើវិទ្យាស្ថានវាន់ដាជិតស្ថានទូតចិន។

3/ សាលា O3D Asia គឺជាសាខារបស់សាលារៀនបារាំងមួយដែលមានឈ្មោះថា “Objectif 3D” ដែលបានបង្កើតឡើងនៅក្នុងទីក្រុង Montpellier នៅក្នុងឆ្នាំ1991។ ផ្ដោតទៅលើការរចនាក្រាហ្វិកនិងបច្ចេកវិទ្យាព័ត៌មាន។

វគ្គបណ្ដុះបណ្ដាល នេះមានរយៈពេល2ឆ្នាំក្នុងអំឡុងពេលនោះសិស្សនិស្សិតបានរៀនពី របៀបប្រើប្រាស់កម្មវិធីផ្សេងៗដូចជា កម្មវិធី Photoshop, 3DS Max, Maya, Mary, soft image, After effect, Z brush និងកម្មវិធីជាច្រើនទៀតដែលទាក់ទងការធ្វើជំនាញ 3D Animation។

កម្មវិធីសិក្សាត្រូវបានរៀបចំដូចខាងក្រោម៖

នៅឆ្នាំសិក្សាមូលដ្ឋាន និស្សិតត្រូវស្វែងយល់ពីមូលដ្ឋាននៃជំនាញនីមួយៗហើយ បន្ទាប់មកពួកគេមានជម្រើសក្នុងចំណោមមុខវិជ្ជាដែលបានរៀន។ នៅឆ្នាំទីពីរសិស្សអាចមានជំនាញខាងផ្នែកណាមួយអាស្រ័យលើសមត្ថភាព និងចំណាប់អារម្មណ៍ ដូច្នេះពួកគេអាចផ្ដោតទៅលើការ អភិវឌ្ឍន៍ជំនាញកម្រិតខ្ពស់ដ៏ជាក់លាក់មួយ។

បន្ទាប់ពីបញ្ចប់វគ្គសិក្សារយះពេលពីរឆ្នាំ សិស្សនិស្សិតទទួលបានជាមួយនឹងសញ្ញាប័ត្រជាភាសាបារាំង មួយដែលគេអោយឈ្មោះថា “Infographiste 3D” ដែលត្រូវបានទទួលស្គាល់ជាអន្តរជាតិ។ នឹងអាចរំពឹងថានឹងអាចទៅធ្វើការនៅកន្លែងផ្សេងៗដូចជា នៅរោងភាពយន្ត ក្រុមហ៊ុនផលិតវីដេអូហ្គេម ក្រុមហ៊ុនផ្សព្វផ្សាយពាណិជ្ជកម្ម ក្រុមហ៊ុនរចនារូបភាព និងអ្វីដែលពិសេសជាច្រើនទៀត។

ព័ត៌មានបន្ថែមអាចទាក់ទងសាលា O3D Asia ដែលមានទីតាំងនៅអាគារលេខ១០៨ ABCD,មហាវិថី ម៉ៅសេទុង សង្កាត់ ទួលទំពូង II ខណ្ឌ ចំការមន ភ្នំពេញ ឬ http://www.o3dasia.com/

4/ សាលាគំនូរជីវចលសាដា (School of Animation Digital Asia) មានបណ្ដុះបណ្ដាល វគ្គខ្លីស្ដីពី ជំនាញ 3D Animation ដូចជា៖ Architecture and Design class, Drawing class, Motion Graphics class ជាដើម។

ព័ត៌មានបន្ថែមសូមទំនាក់ទំនងតាមតាមរយះអាសយដ្ឋានដែលមាន ទីតាំងនៅផ្ទះលេខ ៦៤ ផ្លូវលេខ ៤៣០ សង្កាត់ ផ្សារដើមថ្កូវ ខណ្ឌ ចំការមន រាជធានីភ្នំពេញ ឬតាមរយះទូរសព្ទលេខ (៨៥៥) ២៣ ៩០០ ៥៥៦ (៨៥៥) ១៧ ៨៤៨ ៤១៦ ឬ ០៦៩ ៤៩០ ១១៣។

5/ សាលា Monster 3D Animation ៖ មានបណ្ដុះបណ្ដាលវគ្គខ្លីស្ដីពីជំនាញ 3D Animation ដែលមានការសិក្សាដូចជា របៀបបង្កើតតុក្កតា 3D, 3D TVC ជាដើម ព្រមទាំងមានទទួលផលិត ស្ពតពាណិជ្ជកម្ម3D តុក្កតា 3D រឿងខ្លីៗ3D ជាច្រើនទៀត។

ព័ត៌មានបន្ថែមសូមទំនាក់ទំនងសាលា Monster 3D Animation ដែលមានទីតាំងនៅទល់មុខ វិទ្យាល័យសន្ធរម៉ុក ផ្ទះលេខ ៦២៥ ផ្លូវ កម្ពុជាក្រោម (២១៨) រាជធានី ភ្នំពេញ។

អត្ថបទ៖ 3D Animation ឱកាសការងារខ្ពស់ ប្រាក់ខែច្រើនតែខ្វះអ្នកជំនាញ។

អត្ថបទ៖ រក្សា