ក្ដារចុចឆ្លាតវៃកំណែថ្មី ២.០.៥ ងាយស្រួល ប្រើរហ័សជាងមុន

2015-10-19 21:18:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអភិវឌ្ឍន៍ក្ដារចុចឆ្លាតវៃរបស់លោក គ្រុយ វណ្ណា បានដាក់ឲ្យប្រើប្រាស់ក្ដារចុចជំនាន់ថ្មី ដែលមានកំណែប្រែថ្មី (Version 2.0.5) ដែលធ្វើឲ្យការប្រើប្រាស់អក្សរខ្មែរកាន់តែមានភាពងាយស្រួលជាងមុន។

លោកគ្រុយ វណ្ណា បានអភិវឌ្ឍន៍ក្ដារចុចថ្មីនេះត្រឹមរយៈពេលតែ ១០ ថ្ងៃប៉ុណ្ណោះ ជាមួយក្រុមការងាររបស់លោក និងដែលបានដាក់ឲ្យប្រើប្រាស់កាលពីចុងសប្ដាហ៍មុននេះ។

លោកគ្រុយ វណ្ណា ដែលបានអភិវឌ្ឍន៍ក្ដារចុចឆ្លាតវៃបានឲ្យដឹងថា កំណែ ២.០.៥ នឹងធ្វើឲ្យអ្នកប្រើប្រាស់មានភាពងាយស្រួល ដោយគ្រាន់តែចុចដកឃ្លានោះក្ដារចុចឆ្លាតវៃ នឹងចងចាំពាក្យដែលអ្នកវាយតែម្ដង ដោយមិនចាំបាច់ចុចសញ្ញា + ទៀតទេ។

"ឧទាហរណ៍ពេលគេវាយពាក្យថ្មីដូចជា អលណប់ (all nop) ប៊ីប៊ី (bb) វ៉ល់ៗ (val val) ជាដើម គ្រាន់តែ ចុចដកឃ្លា ឬ ចុចS pace នោះវានឹងចងចាំពាក្យដែលអ្នកវាយតែម្ដង។ លោកបានបញ្ជាក់។

ដើម្បីទាញយកនិងអាប់ឌែតសម្រាប់អ្នកប្រើប្រាស់ Android 4.0 (Ice Cream Sandwich) សូមចូលទៅកាន់ Link នេះ http://goo.gl/fdzO4x។

លោកគ្រុយ វណ្ណាបានឲ្យដឹងបន្ថែមថា ក្ដារចុចជំនាន់ថ្មីនេះក៏នឹងអាចដំណើរការនៅលើប្រព័ន្ធប្រតិបត្តិការ iOS ក្នុងរយៈពេលប្រាំពីរថ្ងៃទៀត ឬកំឡុងចុងខែតុលានេះ។

អត្ថបទ៖ រក្សា