ស្លាប់១៦នាក់ របួសធ្ងន់៩នាក់ ក្នុងការប្រគំតន្ត្រី KPOP ល្ងាចនេះ
- 2014-10-18 14:59:07
- ចំនួនមតិ 0 | ចំនួនចែករំលែក 0
ស្លាប់១៦នាក់ របួសធ្ងន់៩នាក់ ក្នុងការប្រគំតន្ត្រី KPOP ល្ងាចនេះ
ចន្លោះមិនឃើញ
មនុស្សចំនួន១៦នាក់បានស្លាប់ និង៩នាក់ទៀតរងរបួសធ្ងន់ ក្នុងហេតុការណ៍បាក់រនាំងដែក អំឡុងពេលប្រគំតន្ត្រី “The 1st Pangyo Techno Valley Festival” នៅទីក្រុង Seongnam ខេត្ត Gyeonggi ប្រទេសកូរ៉េខាងត្បូង កាលពីម៉ោង៥ល្ងាច (ម៉ោង៣នៅកម្ពុជា) ថ្ងៃទី១៧ ខែតុលានេះ។
របាយការណ៍ពីសារព័ត៌មាន The Fact បានឲ្យដឹងថា ការប្រគំតន្ត្រីនេះមានការចូលរួមពីក្រុមចម្រៀងល្បីៗដូចជា 4minute, T-ara, JungGiGo, និង Cherry Filter ដែលមុនការសម្ដែងរបស់ក្រុម 4minute ចាប់ផ្ដើម អ្នកគាំទ្រជាច្រើននាក់បានមកផ្ដុំគ្នានៅលើរនាំងដែកដែលគេទុកប្រឡោះឲ្យខ្យល់ចេញចូលសម្រាប់ផ្លូវក្រោមដី (Ventilation Grate) ដើម្បីបានមើលការសម្ដែងកាន់តែច្បាស់។ ប៉ុន្តែដោយទម្ងន់មនុស្សធ្ងន់ខ្លាំងពេក ដែកនោះក៏បាក់ បណ្ដាលឲ្យមនុស្សចំនួន ២៥នាក់ធ្លាក់ចុះទៅក្រោម ក្នុងជម្រៅប្រមាណ ១០ម៉ែត្រ (ស្មើរអគារ ៣ជាន់)។
សមត្ថកិច្ចបានឲ្យដឹងថា មនុស្ស ១២នាក់បានស្លាប់ភ្លាមៗនៅកន្លែងកើតហេតុ ២នាក់ទៀតស្លាប់នៅពេលកំពុងបញ្ជូនទៅមន្ទីរពេទ្យ និង២នាក់ទៀតស្លាប់ពេលទៅដល់មន្ទីរពេទ្យ។ ចំនួនអ្នកស្លាប់អាចនឹងបន្តកើនឡើង ខណៈមនុស្សចំនួន ៩នាក់ទៀតកំពុងរបួសធ្ងន់។
តាមដាន Sabay យើងនឹងរាយការណ៍អំពីការវិវត្តនៃព្រឹត្តិការណ៍នេះបន្តទៀត
ប្រែសម្រួល៖ វ៉ាន់ថន
ប្រភព៖ soompi
.
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
