បរាជ័យរបស់ អ៊ាម វន្នី ធ្វើឱ្យម្ដាយអតីតតារាកំប្លែងស្រីម្នាក់យំអត់បាយ ៣ ថ្ងៃ
- 2015-10-21 13:11:07
- ចំនួនមតិ 0 | ចំនួនចែករំលែក 0
បរាជ័យរបស់ អ៊ាម វន្នី ធ្វើឱ្យម្ដាយអតីតតារាកំប្លែងស្រីម្នាក់យំអត់បាយ ៣ ថ្ងៃ
ចន្លោះមិនឃើញ
អតីតតារាកំប្លែង ទេព បុទុម បាននិយាយថា ភាពបរាជ័យរបស់បេក្ខជន អ៊ាម វន្នី នៅក្នុងកម្មវិធី Cambodian Idol បានធ្វើឱ្យម្ដាយរបស់នាងមានការសោកស្ដាយ ហើយដេកយំអត់នឹកនាបាយទឹកអស់ ៣ ថ្ងៃមកហើយ។
បុទុម និងម្ដាយជា Fan របស់ អ៊ាម វន្នី
នាងរៀបរាប់ថា៖"ដោយសារតែស្រលាញ់ខ្លាំងពេកនៅក្នុងចិត្តរបស់គាត់ ម៉ែខ្ញុំអត់ព្រមអោយ អ៑ាម វន្នី ធ្លាក់សោះ។ គ្រាន់តែគេប្រកាសថា ធ្លាក់គាត់អង្គុយយំដូចកូនក្មេង ហើយស្រែកខ្លាំងៗថា អញឈប់មើលកម្មវិធីនឹងទៀតហើយ។ ឆ្ងល់ មិនដឹងថា ម៉ែខ្ញុំក្លាយជា Fan ផ្កាប់មុខពីពេលណាទេ?"។
ម្ដាយរបស់អតីតតារាកំប្លែងរូបនេះ ស្រលាញ់ចូលចិត្ត និងគាំទ្រ អ៊ាម វន្នី តាំងពីដើមរៀងមកម្ល៉េះ ដោយសារតែរូបគេមានសំឡេងពីរោះ មានទេពកោសល្យសិល្បៈ ដែលអាចលេងភ្លេង តែងនិពន្ធបទចម្រៀង និងបទភ្លេងជាដើម ដែលជាធនធានពិបាករក។ ហេតុផលទាំងអស់នេះ ធ្វើឱ្យអ្នកគាំទ្រវ័យជិត ៦០ ឆ្នាំខាងលើ ហាក់មិនអស់ចិត្តចំពោះការធ្លាក់ចេញរបស់ អ៊ាម វន្នី ពីកម្មវិធីប្រលងចម្រៀងលំដាប់ថ្នាក់ពិភពលោកមួយនេះទេ។
ទោះបីជាយ៉ាងណា អតីតតារាកំប្លែងដដែលបន្ថែមទៀតថា ម្ដាយរបស់នាងនៅមិនទាន់សប្បាយចិត្តវិញនៅឡើយ សូម្បីបាយទឹកក៏មិនទាន់នឹកនាដែរ នាំឱ្យកូនចៅមានការព្រួយបារម្ភចំពោះសុខភាពរបស់គាត់។ ជាមួយគ្នានោះនាងបញ្ជាក់ថា ក៏មានការគាំទ្រចំពោះបេក្ខជនមកពីខេត្តបាត់ដំបង អ៊ាម វន្នី ដូចគ្នាព្រមទាំងបោះឆ្នោតឱ្យរូបគេជារឿយៗទៀតផង។ ដូច្នេះការជ្រុះចេញពីកម្មវិធីខាងលើ បុទុម ក៏មានការសោកស្ដាយដូចគ្នាដែរ៕
អានអត្ថបទ៖ ចំណងស្នេហ៍ឆ្លងអាកាស ម៉ៅ សុចាន់ធី និងគូដណ្ដឹង ដល់ផ្លូវបំបែក
អានអត្ថបទ៖ មេហ្គា ស្ទូឌីយោ មានឆន្ទៈលើកស្ទួយសីលធម៌សង្គម
អត្ថបទ៖ សំ ជំនាញ
រូបថត៖ ផ្ដល់ឱ្យ