ច្បាស់ៗមូលហេតុគួរប្រើកម្មវិធីកម្ចាត់មេរោគមានអាជ្ញាប័ណ្ណ
- 2015-10-23 15:56:12
- ចំនួនមតិ 0 | ចំនួនចែករំលែក 0
ច្បាស់ៗមូលហេតុគួរប្រើកម្មវិធីកម្ចាត់មេរោគមានអាជ្ញាប័ណ្ណ
ចន្លោះមិនឃើញ
ការប្រើប្រាស់កម្មវិធីកម្ចាត់មេរោគមានសារៈសំខាន់ណាស់ ទាំងកុំព្យូទ័រនិងទូរសព្ទដៃសម្រាប់ការពារបញ្ហាការវាយប្រហារណាមួយដែលអាចកើតមានឡើងជាយថាហេតុ។ យ៉ាងណាអ្នកប្រើប្រាស់មួយចំនួនមិនបានយល់ដឹងពីការប្រើកម្មវិធីដែលមានអាជ្ញាប័ណ្ណត្រឹមត្រូវ ដោយសារកត្តាជាច្រើន។
លោក អ៊ូ ផាន់ណារិទ្ធិ អ្នកជំនាញផ្នែកសន្តិសុខលើអ៊ីនធឺណិត និងក៏ជាសាស្ត្រាចារ្យនៅសាកលវិទ្យាល័យ បៀលប្រាយ បានបង្ហាញពីអត្ថប្រយោជន៍ ៥ យ៉ាងដែលពលរដ្ឋគួរប្រើប្រាស់កម្មវិធីកម្ចាត់មេរោគដែលមានអាជ្ញាប័ណ្ណ (License) ត្រឹមត្រូវដើម្បីការពារនិងធានាការប្រើប្រាស់ដោយសុវត្ថិភាព។
ទី១៖ កម្ចាត់មេរោគមានប្រសិទ្ធភាពខ្ពស់
ប្រើប្រាស់កម្មវិធីដែលមានអាជ្ញាប័ណ្ណត្រឹមត្រូវ អាចទប់ស្កាត់និងបង្កើនប្រសិទ្ធភាពលើការការពារបានពេញលេញ។
ទី២៖ Update មុខងារថ្មីបានទាន់ពេលវេលា អាចដឹងនិងប្រើបានមុនគេកម្មវិធីថ្មីៗដែលបាន Update។
ទី៣៖ ការពារ Firewall ច្បាស់ហើយ កម្មវិធីកម្ចាត់មេរោគណាក៏ជួយការពារ Firewall របស់កុំព្យូទ័រដែរ គ្រាន់តែថាបើមាន License វាការពារបានល្អជាង។
ទី៤៖ ជួយការពារ Website បើមានមេរោគណា អាចចូលជ្រៀតជ្រែក ឬបង្អាក់ដំណើរការ Website នោះវានឹងការពាររួចជាស្រេច។
ទី៥៖ ជួយការពារឯកសារផ្ទាល់ខ្លួន យើងប្រើ កម្មវិធីកម្ចាត់មេរោគពិតជាចង់ឲ្យវា ការពារឯកសារយើងហើយ ចឹងបើប្រើវាហើយមិនអាចការពារបាន នោះមិនមែនកម្មវិធីកម្ចាត់មេរោគទេ ដូចនេះគួរតែប្រើដោយមាន License ។
លោក អ៊ូ ផាន់ណារិទ្ធិ បានបន្ថែមថា ការប្រើប្រាស់កម្មវិធីដែលមិនមានអាជ្ញាប័ណ្ណត្រឹមត្រូវប្រឈមមុខខ្ពស់នឹងការវាយប្រហារពី Malware ផ្សេងៗ ជាពិសេសគឺ Malware ដែលបង្កើតឡើងដោយអ្នកបង្កើតកម្មវិធី Crack នោះតែម្ដង។ ការប្រើប្រាស់កម្មវិធីដែល Crack មេរោគចូលមុន Anti-Virus ហ្នឹងទៀត ឬ ប្រើបានតែចាប់មិនបាន និយាយរួម បើមាន License វាអនុវត្តគ្រប់ feature និង គ្រប់មុខងារ។
អត្ថបទ៖ រក្សា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
