សៀវ ឡុងនី ត្រូវគេសង្ស័យថាវះកាត់កែសម្ផស្ស ក្រោយធ្លាយរូបថតកាលពីមុន

2015-10-26 17:05:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយព័ត៌មានអាស្រូវនៃការវះកាត់កែសម្ផស្សរបស់តារាសម្ដែងហុងកុង Angelababy ត្រូវបានចុះផ្សាយឥតដាច់ នាពេលថ្មីៗនេះ តារាសម្ដែងចិនដីគោក Crystal Liu ឬ Liu Yifei ក៏ត្រូវបានគេសង្ស័យថាបានវះកាត់កែសម្ផស្សដែរ។

អ្នកលេងអ៊ីនធឺណិតម្នាក់បានចោទប្រកាន់ តារាសម្ដែងតួ "សៀវឡុងនី" ថាបានវះកាត់កែសម្ផស្ស ដោយបានបង្ហោះរូបប្រៀបធៀបទម្រង់របស់តារាវ័យ២៨ឆ្នាំរូបនេះ មុននិងក្រោយពេលវះកាត់។

ក្រោយរូបថតទាំងនេះត្រូវបានចែកចាយច្រើនលើអ៊ិនធឺណិត គេបានរកឃើញថាអ្នកបង្ហោះរូបថតនេះគឺជាអ្នកថតរូបម្នាក់នៅប្រទេសកូរ៉េ។ នាងធ្លាប់ថតរូបភ្ញៀវជាច្រើនដែលមកពិនិត្យ និងទទួលព័ត៌មានអំពីការវះកាត់កែសម្ផស្សនៅមន្ទីរពេទ្យល្បីមួយ ដែលទទួលបានការគាំទ្រច្រើនពីសិល្បករកូរ៉េ និងចិន។

កាលពីដើមខែកន្លងទៅនេះ សារព័ត៌មានកូរ៉េ បានចុះផ្សាយថា Liu Yifie បានមកប្រទេសកូរ៉េខាងត្បូង ដើម្បីប្រារព្ធពិធីខួបកំណើតជាមួយមិត្តប្រុស គឺតារាសម្ដែងកូរ៉េ Song Seung Heon និងជួបមុខឪពុកម្ដាយរបស់គេ ៕