បើធុញថប់តប់ប្រម៉ល់ខ្លាំង សាកវិធី៨យ៉ាងនេះ

2015-11-02 20:53:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពអន្ទះអន្ទែង ធុញថប់តប់ប្រមល់ គឺជាបញ្ហាផ្លូវចិត្តមួយ ដែលគ្រប់គ្នាបានជួបប្រទះស្ទើរគ្រប់ពេលវេលា និងរាល់ថ្ងៃ ជាពិសេសពេលគិតអ្វីមួយមិនចេញ។

ការសិក្សារបស់មូលនិធិសុខភាពផ្លូវចិត្តអង់គ្លេស YouGov ធ្វើឡើងក្នុងឆ្នាំ ២០១៤ បានបង្ហាញថា ជនជាតិអង់គ្លេសម្នាក់ ក្នុងចំណោម ៥នាក់ បានកើតមានភាពរសាប់រសល់ ដោយមិនមានវិធីណាដោះស្រាយបាន ខណៈមនុស្សជាច្រើនអាចដោះស្រាយបាន ដោយគ្រាន់តែនិយាយប្រាប់មិត្តភក្តិ ហាត់ប្រាណ និងដើរលេង។ ក្រៅពីវិធីទាំងនេះ តើមានមធ្យោបាយណាអាចដោះស្រាយបាន?

AsapTHOUGHT ជា Youtube Channel មួយដែលបង្ហោះព័ត៌មានបែបវិទ្យាសាស្ត្រ ជាមួយជីវិតសង្គមប្រចាំថ្ងៃ និងបានបង្កើតវីដេអូនិយាយប្រាប់ពីវិធីទាំង ៨យ៉ាង ដើម្បីដោះស្រាយភាពរសាប់រសល់នេះបាន។

១. ចៀសឆ្ងាយពីការស្វែងរកដំណោះស្រាយតាមអនឡាញ

នៅពេលលោកអ្នកកើតអារម្មណ៍បែបនេះ ការឆែកមើលលើ Google កាន់តែធ្វើឲ្យអ្នកកើតអារម្មណ៍មួរម៉ៅបន្ថែមទៀត ព្រោះដំណោះស្រាយមិនដូចអ្វីដែលអ្នកចង់បាន។

២. ហត់ហេវ ខឹង ឯកា ឬធុញទ្រាន់ទេ?

អ្នកត្រូវបរិភោគ និងសម្រាកឲ្យបានច្រើន គេងគ្រប់គ្រាន់ ធ្វើឲ្យអ្នកមានថាមពលគិតបានវែងឆ្ងាយជាងមុន។

៣. ដកដង្ហើមវែងៗ

ចំណាយពេលវេលាចេញទៅក្រៅ និងដកដង្ហើមឲ្យវែង ដោយធ្វើឲ្យបែបនេះជួយឲ្យអ្នកធូរស្បើយខួរក្បាល និងមានអារម្មណ៍ស្ងប់។ ក្នុងរយៈពេល ៤វិនាទី អ្នកត្រូវទប់ដង្ហើមឲ្យបាន ៧ដង និងដកដង្ហើមចេញឲ្យបាន ៨ដង ព្រោះពេលអ្នកជាប់ផ្ដោតទៅលើសកម្មភាពនេះ រឿងអាក្រក់ផ្សេងៗអ្នកនឹងភ្លេចបាត់។

៤. ស្រែកច្រៀង

ការស្ដាប់តន្ត្រី និងការស្រែកច្រៀង ជាវិធីដ៏ងាយស្រួល និងពេញនិយម ដោយទទួលបានលទ្ធផលប្រសើរ។

៥. ធ្វើចលនា

ការធ្វើលំហាត់ប្រាណ អាចជួយអ្នកឲ្យកម្ចាត់បាននូវឫសគល់នៃភាពរសាប់រសល់។ ការសិក្សារបស់សាកលវិទ្យាល័យ Leeds បង្ហាញថាការហាត់ប្រាណបត់បែនខ្លួន និងការហាត់លើកទម្ងន់ លោតកម្ពស់ ពិតជាអាចកាត់បន្ថយអារម្មណ៍ទាំងនេះបាន ដោយមិនបាញ់ចាំបាញ់រត់ចម្ងាយ ៥គីឡូម៉ែត្រទេ។ ៦. យកចិត្តទុកដាក់

ត្រូវដឹងថា មានអ្វីកើតឡើងជុំវិញខ្លួនអ្នក រួចចំណាយពេលពិចារណា ស្វែងយល់។

៧. ព្យាយាមបន្តិចម្ដងៗ

រឿងតូចពេលខ្លះ អ្នកមានអារម្មណ៍ដូចជារឿងធំដុំ អញ្ចឹងត្រូវស្វែងរកបញ្ហាពីដំបូង ដែលធ្វើឲ្យអ្នកងាយគ្រប់គ្រងវាបាន។

៨. មើលថែខ្លួនឯង

ក្រោយពីដឹងថា អ្វីជាឫសគល់នៃបញ្ហា អ្នកត្រូវប្រឹងប្រែងយកចិត្តទុកដាក់លើសុខភាពខ្លួនឯង ដែលជារឿងចាំបាច់បំផុត។ មិនត្រូវបណ្ដែតបណ្ដោយឲ្យខ្លួនធ្លាក់កើតជំងឺណាមួយទេ៕

ចុចអាន៖ កំហុស៦យ៉ាងរបស់ស្ត្រី តែងប្រព្រឹត្ត ក្នុងវ័យកណ្ដាល

ប្រែសម្រួល៖ ឡេង ភារុណ ប្រភព៖ independent, metro