មុខរបរលក់ខ្យង ១ថ្ងៃ រកបាន ៣០ ម៉ឺនរៀល

2014-10-18 19:03:23
ចំនួនមតិ 0 | ចំនួនចែករំលែក 0

ចន្លោះមិនឃើញ

“ខ្ញុំសព្វថ្ងៃរស់ដោយសារមុខរបរលក់ខ្យង គឺអាចផ្គត់ផ្គង់គ្រួសារ និង សល់ប្រាក់ខ្លះពីរបរមួយនេះ"។ នេះជាការលើកឡើងរបស់ លោក ងុយ សឿន ដែលបានផ្ដើមលក់ខ្យងអស់រយៈពេលជាង ១០ ឆ្នាំ ដែលមានទីតាំងនៅចម្ងាយពីភ្នំពេញ ២៥ គីឡូម៉ែត្រ ឋិតនៅភូមិធំ ឃុំពញាឮ ស្រុកពញាឮ ខេត្តកណ្ដាល។

សូមចុចអាន៖ មាន់ស្រែ នឹងត្រូវបំពាក់ស្តង់ដា នាពេលខាងមុខ!

លោក ងុយ សឿន វ័យ ៤៦ ឆ្នាំ ដែលមានកូនចំនួន ៦ នាក់ ប្រុស ៤ ស្រី ២ បានប្រាប់គេហទំព័រ Sabay ថា របរមួយនេះបានជួយសម្រាលជីវភាពរបស់ក្រុមគ្រួសាររបស់លោកជាច្រើន ដោយក្នុងមួយថ្ងៃអាចរកប្រាក់បាន ៣០ ម៉ឺន រៀល ហើយចំណាយលើការទិញឥវ៉ាន់ និង ការហូបចុកផ្សេងៗ គឺ អាចនៅសល់ក្បែរ ១០ ម៉ឺន រៀលដែរ។

លោកបាននិយាយបញ្ជាក់ថា ទីតាំងដែលលោកលក់សព្វថ្ងៃគឺជួលពីម្ចាស់ដីគេ ដោយបង់៣០០ដុល្លារ ក្នុង ១ឆ្នាំ។ ភ្ញៀវដែលមកញាំនៅកន្លែងរបស់លោក គឺ ភាគច្រើនមកពីភ្នំពេញ ឬ ភ្ញៀវដែលត្រឡប់មកពីភ្នំប្រសិទ្ធិ៍ និង វត្តប្រាសាទជាដើម។ "ថ្ងៃចុងសប្ដាហ៍ គឺ ថ្ងៃ សៅរិ៍ និង ថ្ងៃអាទិត្យលក់ដាច់ជាងគេ គឺខ្ញុំជារៀងរាល់ថ្ងៃ ខ្ញុំលក់ចាប់ពីម៉ោង ៧ ព្រឹករហូតដល់ ៧ យប់ ទើបឈប់។ លោក ងុយ សឿន និយាយ។

លោក បានឲ្យដឹងដែរថា ភ្ញៀវមួយចំនួនដែលមកញាំនៅខ្យងនៅកន្លែងរបស់លោក គឺក្រៅពីចង់ញាំខ្យងហើយ ពួកគេ ក៏អាចសម្រាកកាយបាន ដោយមានអង្រឹង និង ទស្សនាធម្មជាតិ និង ខ្លះស្ទូចត្រីលេង នៅក្នុងបឹងជាដើម។

ប្រិយមិត្តចាប់អារម្មណ៍ខ្យង លោក ងុយ សឿន ទេ? ប្រសិនបើចាប់អារម្មណ៍នៅចុងសប្ដាហ៍អីចឹង!អាចទៅលំហែកាយ និង ញាំខ្យងបាននៅកន្លែងរបស់គាត់ ដែលមានចម្ងាយប្រមាណជា ២៥ គីឡូម៉ែត្រ ពីភ្នំពេញ គឺចេញពីផ្លូវជាតិលេខ ៥ ហើយបត់តាមផ្លូវព្រែកព្នៅទៅត្រង់រហូតទៅ។ កន្លែងលក់ខ្យងនេះ គឺនៅជិតវត្តប្រាសាទ និង ៦ គីឡូម៉ែត្រ ទៀតនឹងទៅដល់ភ្នំប្រសិទ្ធិ៍៕