តារាៗល្បីៗទាំងនេះសុទ្ធតែមានយន្តហោះផ្ទាល់ខ្លួនហើយថ្លៃៗទៀតផង!

2014-10-19 15:45:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតតែការគ្រប់គ្រង់ចរាចរណ៍លើអាកាស ពេលខ្លះមានភាពស្មុគស្មាញ រហូតដល់ប្រទេសមួយចំនួនមិនអនុញ្ញាតឲ្យប្រជាជនមានយន្តហោះផ្ទាល់ខ្លួនក្ដី ប៉ុន្តែសម្រាប់តារាល្បីៗទាំងនេះវិញសុទ្ធតែមានយន្តហោះខ្លួនឯង និងទំនើបៗទៀតផង។

១) Tom Cruise តារាភាពយន្តហូលីវូដមានយន្តហោះតម្លៃ៤៥លានដុល្លារ

យន្តហោះរបស់លោកម៉ាក Gulfstream IV ជាយន្តហោះឯកជនដ៏ល្អបំផុតមួយក្នុងពិភពលោក។ វាអាចផ្ទុកមនុស្សបានទៅដល់១៩នាក់។ Tom Cruise ប្រើយន្តហោះនេះជាញឹកញាប់ដើម្បីហោះទៅផ្ទះ និងកន្លែងធ្វើការ ព្រមទាំងទៅលេងកូនស្រីពៅរបស់ខ្លួនឈ្មោះ Suri។

២) Jim Carrey តារាភាពយន្តហូលីវូដមានយន្តហោះតម្លៃ៥៩លានដុល្លារ

តារាភាពយន្តរូបនេះត្រូវបានគេរាយការណ៍ថា បានចំណាយលុយស្ទើរតែ៦០លានដុល្លារអាមេរិក ដើម្បីទិញយន្តហោះGulfstream V ជាយន្តហោះដ៏ឡូយបំផុតក្នុងពិភពលោក។ មិនត្រឹមតែឡូយទេ យន្តហោះនេះមានល្បឿនលឿនបំផុត និងមានកៅអីអង្គុយស្រួល អាចផ្ទុយមនុស្សបាន១៦នាក់។

៣) Elvis តារាចម្រៀងអាមេរិក មានយន្តហោះតម្លៃ ៦០០ ០០០ដុល្លារ (បច្ចុប្បន្នតម្លៃជិត៣លានដុល្លារ)

ស្ដេចចម្រៀង rock and roll រូបនេះបានទិញយន្តហោះផ្ទាល់ខ្លួនម៉ាក Convair 880 ដែលជាយន្តហោះមានតម្លៃថ្លៃបំផុតក្នុងពិភពលោក អំឡុងពេលលោកទិញ។ លោកបានដាក់ឈ្មោះយន្តហោះនោះថា Lisa Marie ជាឈ្មោះកូនស្រីលោក។ វាមានបន្ទប់គេង បន្ទប់ទឹក បន្ទប់ប្រជុំ និងបន្ទប់អ្វីៗជាច្រើនទៀត។

៤) Celine Dion តារាចម្រៀងកំណើតកាណាដាមានយន្តហោះតម្លៃ៤៨លានដុល្លារ

តារាចម្រៀងរូបនេះមានយន្តហោះផ្ទាល់ខ្លួនម៉ាក Bombardier BD-700 Express។ យន្តហោះនេះមានបន្ទប់ទទួលភ្ញៀវប្រកបដោយផាសុកភាព បន្ទប់សម្រាប់អ្នកបញ្ជាយន្តហោះ មានអូតេសពីរនាក់ មានបន្ទាប់ទឹកពីរ មានផ្ទះបាយ និងអាចទទួលភ្ញៀវបានរហូតដល់១៨នាក់យ៉ាងស្រួល។