Google ដាក់ប្រអប់ Search Engine មានរូបទង់ជាតិខ្មែរ ដើម្បីអបអរបុណ្យឯករាជ្យ
- 2015-11-09 17:35:02
- ចំនួនមតិ 0 | ចំនួនចែករំលែក 0
Google ដាក់ប្រអប់ Search Engine មានរូបទង់ជាតិខ្មែរ ដើម្បីអបអរបុណ្យឯករាជ្យ
ចន្លោះមិនឃើញ
ក្រុមហ៊ុន Google បានបង្កើតរូបភាព Search Engine មួយដែលមានរូបទង់ជាតិកម្ពុជាអមជាមួយទេសភាពវាលស្រែ មានដើមត្នោត ជុំជិតឱ្យជ្រលងភ្នំតំណាងឱ្យប្រទេសកម្ពុជាទទួលបានសន្តិភាពឯករាជ្យពី បារាំងនៅឆ្នាំ១៩៥៣។
កម្ពុជានៅក្រោមការត្រួតត្រារបស់ប្រទេសបារាំងតាំងពីឆ្នាំ១៨៦៣ ដោយគ្រានោះសន្ធិសញ្ញាកម្ពុជា និងបារាំង, ថ្ងៃទី ១១ ខែសីហា ឆ្នាំ១៨៦៣ បានចែងថាបារាំងនិងកម្ពុជាត្រូវតែផ្ដល់ប្រយោជន៍ឱ្យគ្នាទៅវិញទៅមក ការពារគ្នានិងរៀបចំប្រទេសឱ្យមានរបៀបរៀបរយ។ ដោយសារតែនៅក្រោមការត្រួតត្រា បារាំងមិនអាចជួយកម្ពុជាបានច្រើន ក៏ដូចជារក្សាទឹកដីឱ្យបានគង់វង្ស នៅឆ្នាំ១៩៥៣ ព្រះបាទនរោត្តម សីហនុ បានស្វះស្វែងរកគ្រប់វិធីដើម្បីរំដោះជាតិមកវិញ ឱ្យមានសេរីភាពដូចធម្មតា។ ហើយនៅថ្ងៃទី៩ខែវិច្ឆិកាឆ្នាំ១៩៥៣ដដែល ការខិតខំប្រឹងប្រែងរបស់ព្រះអង្គបានទទួលជោគជ័យជាស្ថាពរ ពោលគឺបារាំងបានព្រមប្រគល់ឯករាជ្យឱ្យកម្ពុជាជាផ្លូវការ។
ដោយសារតែមើលឃើញពីការតស៊ូទាមទារឯករាជ្យរបស់កម្ពុជាយ៉ាងដូច្នេះហើយ ទើបក្រុមហ៊ុនយក្ស Google ក៏បានសម្រេចចិត្តបង្កើតរូបភាពខាងលើនេះឡើង ដើម្បីជាការចូលរួមអបអរសាទរដល់កម្ពុជាចំពោះថ្ងៃដ៏វិសេសវិសាលនេះ។
យ៉ាងណាមិញ វាជារឿងធម្មតាទៅហើយសម្រាប់ Google ក្នុងបង្កើតជារូបភាពតំណាងនេះឡើង ដោយសារតែគ្រប់ប្រទេសទាំងអស់ដែលធ្លាប់ស្ថិតក្រោមអាណានិគមហើយអាចទាមទារឯករាជ្យវិញបានគឺពួកគេចូលរួមអបអរទាំងអស់៕
ប្រែសម្រួល៖ មុន្នី រម្យ ប្រភព៖ wordofsearch