Fan Bingbingនិង Li Chen អាចនឹងចូលរោងការចំថ្ងៃចូលឆ្នាំសកល

2015-11-12 22:06:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីប្រកាសទំនាក់ទំនងស្នេហាជាសាធារណៈកាលពីខែ ឧសភា តារាសម្ដែងជូរមុខចិន Fan Bingbing និងមិត្តប្រុស Li Chen បានរឹតចំណងស្នេហ៍កាន់តែខ្លាំង។ មានកាសែតជាច្រើនយល់ថាអ្នកទាំងនឹងឈានចូលរោងការឆាប់ៗ។ បើតាមអ្នកដឹកនាំរឿងម្នាក់បានបង្ហើបឲ្យដឹងថាគូស្នេហ៍មួយគូនេះនឹងរៀបការនៅថ្ងៃទី ១ ខែ មករា ឆ្នាំ២០១៦។

តាមការរាយការណ៍ប្រាប់អ្នកសារព័ត៌មាន ប្រភពខាងលើបានបន្ថែមថា Bingbing និង Li Chen ទទួលបានសំបុត្របញ្ជាក់អាពាហ៍ពិពាហ៍រួចហើយ។ មង្គលការរបស់អ្នកទាំងពីរកំពុងដំណើរការរៀបចំ ហើយតារាស្រីវ័យ៣៤ឆ្នាំខាងលើក៏បានជ្រើសរើសឈុតរៀបការរួចរាល់អស់ហើយដែរ។ ប្រភពបន្តទៀតថា តារាសម្ដែងទាំងពីរអាចនឹងប្រារព្ធពិធីមង្គលការចំថ្ងៃចូលឆ្នាំសាកលនៅទីក្រុង Sanya ប្រទេសចិន។

អ្នកដឹកនាំរឿងរូបនោះបន្តថា មង្គលនេះនឹងអញ្ជើញតារាល្បីជាច្រើនចូលរួមដូចជា Jackie Chan , Donnie Yen , Vicky Zhao , Crystal Liu , Faye Wong, Huang Xiaoming , Angelababy , Shu Qi (舒), និង Ruby Lin ៕