ជាង១៦០ប្រទេស ព្រមព្រៀងគ្នាប្រើប្រាស់ផ្កាយរណបតាមដានជើងហោះហើរ
- 2015-11-13 00:14:31
- ចំនួនមតិ 0 | ចំនួនចែករំលែក 0
ជាង១៦០ប្រទេស ព្រមព្រៀងគ្នាប្រើប្រាស់ផ្កាយរណបតាមដានជើងហោះហើរ
ចន្លោះមិនឃើញ
ប្រទេសច្រើនជាង១៦០ នៅលើពិភពលោកបានឈានដល់កិច្ចព្រមព្រៀងគ្នាកាលពីថ្ងៃពុធម្សិលមិញ ក្នុងការប្រើប្រាស់ផ្កាយរណបតាមដានជើងហោះហើរនានា ដើម្បីការពារកុំឲ្យមានការបាត់ខ្លួនយន្តហោះដោយអាថ៌កំបាំង ដូចជើងហោះហើរម៉ាឡេស៊ី MH370 កាលពីខែមិនា ឆ្នាំ ២០១៤។
ប្រទេសទាំងនេះបានសម្រេចដល់កិច្ចព្រមព្រៀង ក្នុងកិច្ចប្រជុំមួយ ដែលធ្វើឡើងដោយសហភាពទូរគមនាគមន៍អន្តរជាតិរបស់ អង្គការសហប្រជាជាតិ (ITU) ក្នុងគោលបំណងដើម្បីពង្រឹងប្រព័ន្ធតាមដានជើងហោះហើរស៊ីវិល ដែលធ្លាប់តែពឹងផ្អែកលើប្រព័ន្ធរ៉ាដា លើដី។
ក្នុងសេចក្ដីថ្លែងការណ៍មួយបានបញ្ជាក់ថាកិច្ចព្រមព្រៀងកើតឡើងក្រោយបាត់ខ្លួន MH370 ផ្ទុកមនុស្ស ២៣៩នាក់ ដែលនាំឲ្យមានពិភាក្សាដេញដោលជុំវិញពិភពលោក លើការតាមដានជើងហោះហើរ ដែលត្រូវតែមានវិធានការសមស្រប។
ជើងហោះហើរនីមួយៗត្រូវបំពាក់សម្ភារៈបច្ចេកទេស សម្រាប់តាមដាន ដែលអាចផ្ដល់នូវការឃ្លាំមើលតាមដែនអាកាសបានពេញលេញ។
ITU បញ្ជាក់ថារលកប្រេកង់ពីមុនធ្លាប់ត្រូវបានបញ្ជូនសញ្ញាពីយន្តហោះទៅស្ថានីយលើដី ហើយពេលនេះនឹងផ្លាស់ប្ដូរឲ្យផ្កាយរណបតាមដានយន្តហោះផ្ទាល់តែម្ដង ទោះនៅទីណាក៏ដោយ៕
ចុចអាន៖ មើលទិដ្ឋភាពដ៏កម្រនៃព្រលានយន្តហោះថ្មីរបស់កូរ៉េខាងជើង
ប្រែសម្រួល៖ ឡេង ភារុណ ប្រភព៖ channelnewsasia
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
