ស្ពានដែក ផ្លូវ ៣៧១ និង ច្រកតូចៗ ស្ទះចរាចរណ៍ឥតល្ហែ រាល់ព្រឹក និង ល្ងាច

2015-11-13 16:15:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានភាពផ្លូវនៅម្ដុំស្ពានដែក និង តាមបណ្ដោយផ្លូវ ៣៧១ ហើយនឹងច្រកតូចៗនានា ស្ថិតនៅក្នុងសង្កាត់មានជ័យ ខ័ណ្ឌមានជ័យ គឺមានការកកស្ទះចរាចរណ៍ស្ទើររាល់ព្រឹក និង ពេលល្ងាច។ ជាក់ស្ដែងព្រឹកមិញ ចរាចរណ៍បានកកស្ទះខ្លាំងនៅម្ដុំស្ពានដែក ហើយរថយន្ដជាប់គាំងចាប់ពីស្ពានដែករហូតដល់ជិតវិទ្យុជាតិចាស់ ត្រង់ផ្លូវច្រមុះជ្រូក។ ដោយឃើញផ្លូវធំៗស្ទះខ្លាំងអ្នកបើកបរបានបង្វែរទិសទៅកាន់ច្រកតូចៗ ប៉ុន្ដែ ផ្លូវទាំងនោះនៅតែកកស្ទះដដែល។ តើមានមូលហេតុអ្វីបានជាកកស្ទះខ្លាំងបែបនេះ?

មតិអ្នកបើកបរនៅលើដងផ្លូវដែលកំពុងកកស្ទះចំនួន ៥ រូប បានប្រាប់ Sabay កាលពីព្រឹកមិញនេះថា ដើមហេតុដែលបណ្ដាលឲ្យផ្លូវទាំងនេះកកស្ទះខ្លាំងរួមមាន៖

១. អ្នកបើកបរមិនគោរពផ្លូវអាទិភាព (បើកបំពានផ្លូវម្ខាង) ២. ចន្លោះពីម៉ោង ៦:៣០-៧:៣០ ព្រឹក គឺជាពេលសម្រុកចេញទៅប្រកបមុខរបររៀងៗខ្លួន ទាំងកម្មករ និង បុគ្គលិកក្រុមហ៊ុន រួមទាំងសិស្សានុសិស្សចេញទៅសាលាផងដែរ។ ៣. ឯពេលល្ងាចកកស្ទះដោយសារអ្នកប្រកបមុខរបរនានា វិលត្រឡប់ទៅកាន់លំនៅដ្ឋានវិញ។ ៤. ស្ថានភាពផ្លូវនៅចំណុចខ្លះមិនទាន់សាងសង់រួច ដែលធ្វើឲ្យផ្លូវរួមតូច ដោយសារការដាក់ដី លូ ជាដើម។

ខាងក្រោមនេះ គឺរូបភាពស្ថានភាពផ្លូវនៅស្ពានដែកស្ទឹងមានជ័យព្រឹកមិញ