ម៉ូតូធំស៊េរីថ្មីរបស់ក្រុមហ៊ុន BMW បង្ហាញខ្លួនជាផ្លូវការ

2015-11-16 21:30:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតម៉ូតូធំដែលមានរូបរាងដ៏ស្រស់ស្អាតរបស់ក្រុមហ៊ុន BMW បានបង្ហាញខ្លួនហើយ បន្ទាប់ពីលេចរូបរាងជាផលិតផលគំរូនាពេលកន្លងមក។

ម៉ូតូធំ BMW G310 R គឺជាការចូលរួមសហការផលិតរវាងក្រុមហ៊ុន TVS របស់ឥណ្ឌារួមជាមួយនឹងក្រុមហ៊ុន BMW ផ្ទាល់។ ម៉ូតូនេះមានបំពាក់ម៉ាស៊ីនបញ្ចុះកម្ដៅដោយទឹកទំហំ ៣១៣សេសេ អាចផ្ដល់កម្លាំងបាន៣៤សេះ អាចបរបានល្បឿនអតិបរមាត្រឹម ១៤៤,៨៤គ.ម/ម៉។ វាមានទម្ងន់ ១៥៨,៥គ.ក និងស៊ីប្រេងប្រមាណ ២,៧៧លីត្រសម្រាប់ចម្ងាយផ្លូវ១០០គីឡូម៉ែត្រ។ ស៊ុមរបស់ម៉ូតូផលិតពីដែកថែប និងមានបំពាក់ប្រព័ន្ធប្រាំង ABS ជាលក្ខណៈស្តង់ដារ។

ចំពោះតម្លៃរបស់ម៉ូតូ G310 R គឺខាងក្រុមហ៊ុនមិនទាន់បានបញ្ជាក់នៅឡើយនោះទេ៕

ខាងក្រោមគឺជាលក្ខណៈសម្បត្តិបន្ថែមរបស់ម៉ូតូ៖

លក្ខណៈសម្បត្តិ	BMW G310 R
ទំហំមាឌស៊ីឡាំង	៣១៣ សេសេ
ប្រភេទម៉ាស៊ីន	single-cylinder, DOHC,បញ្ចុះកម្ដៅដោយទឹក
អង្កត់ផ្ចិតស៊ីឡាំងនិងជំហានពិស្តុង	៨០ម.មx៦២ម.ម
ទំហំ (ទទឹងxបណ្ដោយ)	៨៩៦ម.មx១៩៨៨ម.ម
ប្រវែងពីកង់មុខទៅកង់ក្រោយ	១៣៧៤ម.ម
កម្ពស់កែបម៉ូតូ	៧៨៥ម.ម
ចំណុះធុងសាំង	១១លីត្រ
ប្រព័ន្ធហ្រ្វាំង	Anti-lock Braking System
ទម្ងន់	១៥៨,៥គីឡូក្រាម
ហ្វ្រាំងក្រោយ	ហ្រ្វាំងថាសទំហំ ២៤០ម.ម
ហ្រ្វាំងមុខ	ហ្រ្វាំងថាសទំហំ ៣០០ម.ម
តម្លៃ	មិនមានការបញ្ជាក់ពីក្រុមហ៊ុន