ខណៈ​ទីផ្សារ iPhone 6s/6s Plus របស់ Apple កំពុង​តែ​ផុលផុស iPhone 6s/6s Plus ចិន​ដែល​មាន​រូបរាង​ដូច​របស់​ពិត​សឹង១០០% ក៏​កំពុង​តែ​ចរាចរ​ភ្ល្លូកទឹកភ្លូកដី​លើ​ទីផ្សារ​ក្នុង​ទីក្រុង​ភ្នំពេញ​ផង​ដែរ។

 iPhone 6s Plus ចិន

បើ​តាម​ប្រភព​​អ្នក​លក់​មួយ​រូបបាន​ឱ្យ​ដឹង​ថា ទូរសព្ទ iPhone 6/6 Plus ដែល​ជា​ផលិតផល​ចិន​នោះ មាន​រាងរៅ និង​កម្មវិធី​ម៉ាស៊ីន ដូច​គ្នា​បេះបិទ​ទៅ​នឹង​របស់​ពិត ខុស​ត្រង់​ថា iPhone 6s/6s Plus ចិន​នេះ​ប្រើសេវាកម្ម Google Play Store។

ប្រភព​នោះ​​បាន​ឱ្យ​ដឹង​ទៀត​ថា មាន​អ្នក​ប្រើប្រាស់​មួយ​ចំនួន​ដែល​គ្មាន​លទ្ធភាព​ទិញ​របស់​ពិត​មាន​តម្លៃ​ថ្លៃ បាន​ងាក​មក​សាកល្បង​ទិញ iPhone 6s/6s Plus ចិន​ទាំង​នោះ​យក​ទៅ​ប្រើ បើ​ទោះ​បី​ដឹង​ថា​វា​ជា​របស់​ចិន​ក៏​ដោយ។

iPhone 6s Plus ចិន 

ចំពោះ iPhone 6s/6s Plus (ទំហំ 32GB) ចិន​ទាំង​នោះ ត្រូវ​​គេ​ដាក់​លក់​ក្នុង​តម្លៃ​តែ ១៩០ដុល្លារ​និង ២៣០ដុល្លារ បើ​ធៀប​នឹង iPhone 6s/6s Plus ដែល​តម្លៃ​លើ​ទីផ្សារ​​មិន​ក្រោម​ ៧០០ ដុល្លារ។

ទូរសព្ទ iPhone 6s/6s Plus ចិន​ នេះ​កំពុ​ង​មាន​លក់​នៅ​តាម​ហាង​មួយ​ចំនួន​នៅទីក្រុង​ភ្នំពេញ៕

កម្មវិធី​ផ្សេង​ៗ​លើ iPhone 6s Plus ចិន 

សេវាកម្ម Google Play Store លើ iPhone 6s/6s Plus ចិន

អត្ថបទ៖ ប៉ែត ផាន់និត