មកមើលឡានកំពូលៗរបស់ Floyd Mayweather លក្ខណៈសម្បត្តិអស្ចារ្យប៉ុណ្ណា?

2015-11-27 22:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងរយៈពេលប៉ុន្មានខែចុងក្រោយនេះ គេឃើញ Floyd Mayweather បានទិញរថយន្តចំនួនពីរគ្រឿងគឺ Koenigsegg CCXR Trevita និងBugatti Veyron Grand Sport ដែលសុទ្ធសឹងជារថយន្តមានសមត្ថភាពកំពូល។ ក្រៅពីរថយន្តទាំងពីរនេះក៏នៅមានរថយន្តជាច្រើនទៀតរបស់ Floyd ដែលមានសមត្ថភាពខ្លាំងអស្ចារ្យ។

Lamborghini Murcielago

រថយន្តនេះមានសមត្ថភាពខ្លាំង ដោយសារវាបំពាក់នូវម៉ាស៊ីន១២ (V12) ទំហំ៦,៥លីត្រ ដែលអាចបង្កើតកម្លាំងបាន៦៥០សេះ។ វាអាចបង្កើតសន្ទុះពី០ទៅ១០០គ.ម/ម៉ ត្រឹមពេល ៣,៤វិនាទី និងមានល្បឿនអតិបរមា ៣៣០គ.ម/ម៉។ ចំពោះតម្លៃរបស់រថយន្តដែលឈប់ផលិតក្នុងឆ្នាំ២០១០នេះគឺប្រមាណ ៣៣០ ០០០ដុល្លារ ឬក៏អាចខ្ពស់ជាងនេះ។

McLaren 650S

រថយន្តនេះអាចបង្កើតកម្លាំងបាន ៦៤១សេះ ពីម៉ាស៊ីន៨ (V8) ទំហំ៣,៨លីត្រ និងអាចបង្កើនសន្ទុះពី០ទៅ៩៦គ.ម/ម៉ ត្រឹមពេល៣វិនាទី ហើយមានល្បឿនអតិបរមា ៣២៨.៣គ.ម/ម៉។ ចំពោះតម្លៃឡានកំពូលនេះវិញគឺប្រមាណ ២៧០ ០០០ដុល្លារ។

Lamborghini Aventador

ម៉ាស៊ីនរបស់រថយន្តនេះគឺ១២ម៉ាស៊ីន (V12) ទំហំ ៦,៥លីត្រ ដែលអាចបង្កើតកម្លាំងបានដល់ទៅ ៦៩១សេះ ហើយវាថែមទាំងអាចបង្កើនសន្ទុះពី០ទៅ៩៦គ.ម/ម៉ ត្រឹម២,៩វិនាទី ឯល្បឿនអតិបរមាគឺ ៣៥០គ.ម/ម៉។ ជាមួយនឹងសមត្ថភាពខ្លាំងបែបនេះធ្វើឲ្យរថយន្តនេះមានតម្លៃមិនថោកប៉ុន្មាននោះឡើយពោលចាប់ពី ៤០០ ០០០ដុល្លារឡើងទៅ។

Ferrari Enzo

រថយន្តដែលមានផលិតតែ៤០០គ្រឿងនេះ បំពាក់នូវម៉ាស៊ីន១២ (V12) ទំហំ៦,០លីត្រ អាចបង្កើតកម្លាំងបាន៦៥១សេះ។ វាក៏អាចបង្កើនសន្ទុះពី០ទៅ៩៦គ.ម/ម៉ ត្រឹមរយៈតែ៣,១៤វិនាទីប៉ុណ្ណោះ ហើយអាចរត់នៅល្បឿនអតិបរមា៣៥៥គ.ម/ម៉។ សម្រាប់តម្លៃរបស់រថយន្តផលិតមានកំណត់នេះគឺប្រមាណជា១លានដុល្លារ។

Bugatti Veyron Grand Sport

រថយន្តស៊េរីនេះមានផលិតតែ ១៥០ គ្រឿងប៉ុណ្ណោះ ដោយវាមានបំពាក់ម៉ាស៊ីន១៦ (W16) ទំហំ៨លីត្រ អាចបង្កើតកម្លាំងបាន ១០០០សេះ និងអាចបង្កើនសន្ទុះពី០ទៅ១០០គ.ម/ម៉ត្រឹម ២,៤៦វិនាទី ហើយពី០ទៅ៤០០គ.ម/ម៉ ប្រើពេលតែ៥៥វិនាទីប៉ុណ្ណោះ។ រថយន្តនេះអាចរត់ក្នុងល្បឿនអតិបរមា ៤០៨គ.ម/ម៉ និងមានតម្លៃ៣,៥លានដុល្លារ។

Koenigsegg CCXR Trevita

រថយន្តនេះមានផលិតតែពីរគ្រឿងប៉ុណ្ណោះក្នុងលោក ដោយមានបំពាក់ម៉ាស៊ីន៨ (V8) ទំហំ៤,៨លីត្រ អាចបង្កើតកម្លាំងបាន ១០១៨សេះ អាចបង្កើនសន្ទុះពី០ទៅ១០០គ.ម/ម៉ ត្រឹម ២,៩វិនាទី និងអាចរត់ក្នុងល្បឿនអតិបរមា ៤១០គ.ម/ម៉។ Floyd បានឲ្យដឹងដែរថា រថយន្តនេះមានតម្លៃ៤,៨លានដុល្លារ៕ ចុចអាន៖ App ថ្មីអាចឲ្យ User មើលឃើញរលកសញ្ញា Wifi