ស្ត្រីម្នាក់អាចសម្រកទម្ងន់៥០គីឡូ ដោយមិនបាច់តមភីស្សា ការ៉េម ឬសូកូឡា

2015-11-28 19:12:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីសញ្ជាតិអាមេរិកម្នាក់រស់នៅរដ្ឋ Florida បានសម្រកទម្ងន់របស់ខ្លួនអស់ជិត៥០គីឡូក្រាម រយៈពេលមិនដល់២ឆ្នាំ ហើយនាងថា ពុំបានតមអាហារជាតិផ្អែមដូចជាភីស្សា ការ៉េម ឬសូកូឡាអ្វីឡើយ។

Molly Lowe វ័យ២៨ឆ្នាំ មានទម្ងន់ជាង១២០គីឡូក្រាម មុនពេលនាងសម្រេចចិត្តថាចង់សម្រកទម្ងន់។ លុះដល់ឆ្នាំ២០១៤ បន្ទាប់ពីនាងសម្រាកកូន១ ហើយកូនរបស់នាងធំហើយ នាងក៏បានតាំងចិត្តសម្រកទម្ងន់របស់ខ្លួនឲ្យមានរាងស្អាតវិញ ដោយនាងទៅកន្លែងហាត់ប្រាណជាប្រចាំ តែនាងពុំបានតមប្រភេទអាហារ ដែលមានជាតិស្ករច្រើនទេ។

“ខ្ញុំតែងតែយកចិត្តទុកដាក់ចំពោះទម្ងន់របស់ខ្ញុំរាល់ថ្ងៃ។ តែខ្ញុំនៅតែញ៉ាំការ៉េមធម្មតា ឬញ៉ាំបន្ទះសូកូឡាអស់កន្លះដើមជាញឹកញាប់ប្រចាំថ្ងៃ”។

យ៉ាងណា Lowe គឺជាមនុស្សម្នាក់ដែលចូលចិត្តហាត់ប្រាណនៅកន្លែងហាត់ប្រាណ ព្រោះនាងយល់ថា នាងមានអារម្មណ៍ខ្លាំង និងមានថាមពលខ្លាំង។ ហើយរយៈពេលជិត២ឆ្នាំទៅនេះ នាងហាត់ប្រាណដល់ថ្នាក់មានសាច់ដុំទៀតផង។

ជាលទ្ធផលបច្ចុប្បន្ន Molly Lowe មានទម្ងន់សល់ត្រឹមតែ៧៣គីឡូក្រាមប៉ុណ្ណោះ ដោយស្រកអស់ជាង៤៧គីឡូក្រាម ដែលធ្វើឲ្យសមនឹងរូបរាងរបស់នាងដែលមានកម្ពស់១,៧៥ម៉ែត្រ៕