ព្រះសង្ឃនៅថៃធ្វើសមាធិក្នុងខ្លាញ់កំពុងពុះ ហើយគ្មានរលាកអ្វីសោះ
- 2015-11-29 16:31:24
- ចំនួនមតិ 0 | ចំនួនចែករំលែក 0
ព្រះសង្ឃនៅថៃធ្វើសមាធិក្នុងខ្លាញ់កំពុងពុះ ហើយគ្មានរលាកអ្វីសោះ
ចន្លោះមិនឃើញ
វីដេអូមួយត្រូវបានគេចែកចាយបន្តគ្នាទាក់ទងនឹងរឿងមានព្រះសង្ឃមួយអង្គក្នុងខេត្ត Nong Bua Lamphu បានបង្ហាញពីសមត្ថភាពអច្ឆរិយក្នុងការគង់សមាធិក្នុងខ្លាញ់ក្ដៅដោយមិនមានរបួស ឬបញ្ហាអ្វីឡើយ។ វាមិនមែនជារឿងរ៉ាវដែលទើបនឹងកើតឡើង ប៉ុន្តែនៅតែមានការយល់ឃើញ និងលើកឡើងខុសៗគ្នារវាងអ្នកបានឃើញសកម្មភាពនេះ។
ខ្ទះដែកធំមួយដែលមានពេញទៅដោយខ្លាញ់ ហើយមើលឃើញពុះតិចៗផងនោះ ព្រះសង្ឃអង្គនោះបានបន្តសូត្រធម៌ និងធ្វើសមាធិដោយមិនបង្ហាញថាមានការឈឺចាប់ ឬរលាកព្រោះតែកម្ដៅនៃវត្ថុទាំងនោះទេ។ ចុងក្រោយ គេឃើញព្រះអង្គក្រោកពីខ្ទះខ្លាញ់នោះដោយសភាពធម្មតា មិនមានបញ្ហាអ្វីទាំងអស់។
គេនៅមិនទាន់ច្បាស់នៅឡើយថា ការនៅក្នុងខ្ទះខ្លាញ់កំពុងពុះក្ដៅនេះគឺជាការពិត ឬក៏ការថ្ពឹនភ្នែកនោះទេ។ មានអ្នកខ្លះលើកឡើងថា ខ្ទះខ្លាញ់ដែលយកមកប្រើនោះប្រហែលជាស្រោបអ្វីពិសេសច្រើនជាន់ដែលមិនធ្វើឱ្យខ្ទះនោះស្រូបកម្ដៅពីភ្លើងនៅខាងក្រោម។ ចំណែកអ្នកខ្លះទៀតលើកឡើងថា ខ្វល់ដែលបក់ពីក្រោមខ្ទះនោះបានធ្វើឱ្យភ្លើងដែលឆេះនោះរេទៅរេមក ហើយក៏មិនសូវធ្វើឱ្យខ្ទះនោះក្ដៅខ្លាំងដែរ។
ប៉ុន្តែសម្រាប់អ្នកជឿជាក់លើសាសនាវិញ បានគិតផ្សេងពីនេះថា នេះគឺជាភាពអស្ចារ្យរបស់ព្រះសង្ឃដែលប្រតិបត្តិសាសនាបានខ្ជាប់ខ្ជួនទើបមិនបណ្ដាលឱ្យមានគ្រោះថ្នាក់បែបនេះ។
ចុះមិត្តអ្នកអានយល់ឃើញយ៉ាងណាចំពោះរឿងនេះ?
ប្រែសម្រួល៖ សុគន្ធី ប្រភព៖ bmwmblog
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
