រមណីយដ្ឋានក្បាលទឹក ទើបបង្កើតថ្មី តែភ្ញៀវទេសចរទៅកម្សាន្ដច្រើនកុះករ
- 2015-12-01 15:30:05
- ចំនួនមតិ 0 | ចំនួនចែករំលែក 0
រមណីយដ្ឋានក្បាលទឹក ទើបបង្កើតថ្មី តែភ្ញៀវទេសចរទៅកម្សាន្ដច្រើនកុះករ
ចន្លោះមិនឃើញ
ម្ចាស់តូបនៅរមណីយដ្ឋានក្បាលទឹកមួយរូបបានប្រាប់ Sabay ថា ក្រោយពីតំបន់នេះបង្កើតបានជាង ១ ឆ្នាំ ភ្ញៀវទេសចរជាតិ និង អន្តរជាតិ បានមកលេងរមណីយដ្ឋានក្បាលទឹកមានចំនួនច្រើនឡើងៗ ជាពិសេសគឺនៅរៀងរាល់ថ្ងៃសៅរិ៍-អាទិត្យ និង ថ្ងៃបុណ្យទានធំៗ។ ក្បាលទឹកស្ថិតនៅភូមិក្រូច ឃុំថ្មី ស្រុកព្រៃឈរ ខេត្តកំពង់ចាម។
រមណីយដ្ឋានក្បាលទឹក (រូបថត៖ ទូរសព្ទដៃ)
អ្នកស្រី ជា ចាន់ណា ម្ចាស់តូបបាននិយាយថា កាលពីឆ្នាំ ២០១៤ ឧកញ៉ា ហួរ បានបង្កើតរមណីយដ្ឋានថ្មីតូចមួយនៅទឹកឆា អ្នកផង គេហៅតំបន់នោះថា ក្បាលទឹក។ ក្បាលទឹកនេះគឺជាចំណុចប្រភពទឹកចេញពីធម្មជាតិដែលហូរពីកើតទៅលិចចាក់ទៅតំបន់ទឹកឆា។
ដោយសារនៅតំបន់នេះជាតំបន់ថ្មី ហើយសំបូរព្រៃឈើតូច-ធំ និង ចម្ការនានា រួមទាំងមានម្ហូបឆ្ងាញ់ តម្លៃសមរម្យទើបភ្ញៀវទេសចរទាំងជាតិ និង អន្តរជាតិនិយមទៅលេងនៅតំបន់ក្បាលទឹក។ ចាន់ណា និយាយ។
ទាក់ទងនឹងប្រវត្តិតំបន់ក្បាលទឹកនេះ ស្រ្តីវ័យ ៤៨ ឆ្នាំ រស់នៅភូមិថ្មដា ឃុំបឹងណាយ ស្រុកព្រៃឈរ ខេត្តកំពង់ចាម បាននិយាយថា នៅមុនឆ្នាំ ២០១៤ ភ្ញៀវមកលេងរមណីយដ្ឋានទឹកឆា ចេះតែឡើងមកហួសនៅលើក្បាលទឹក។ កាលណោះក្បាលទឹកមានផ្លូវលំបាក (ផ្លូវតូចលំ និង ព្រៃ) ដោយពួកគេធ្វើដំណើរដោយថ្មើរជើង ហើយឧកញ៉ា ហួរ ឃើញដូចនេះ ក៏បានធ្វើផ្លូវ ហើយប្រមូលអ្នកភូមិ បង្កើតជាតំបន់រមណីយដ្ឋានថ្មី ដែលឲ្យឈ្មោះថា "ក្បាលទឹក"។
ចាប់ពីច្រកចូលរមណីយដ្ឋានទឹកឆានេះគឺ ៦គីឡូម៉ែត្រ នឹងទៅដល់រមណីយដ្ឋានថ្មីទើបបង្កើត "ក្បាលទឹក"
ព័ត៌មានលម្អិតចុចទស្សនា វីដេអូ ខាងក្រោមនេះ
អត្ថបទ៖ ប៊ិន ប៊ុណ្ណា