អស់រយៈពេល៧ឆ្នាំ ទីបំផុត JYJ អាចចេញតាមទូរទស្សន៍វិញហើយ
- 2015-12-01 23:50:13
- ចំនួនមតិ 0 | ចំនួនចែករំលែក 0
អស់រយៈពេល៧ឆ្នាំ ទីបំផុត JYJ អាចចេញតាមទូរទស្សន៍វិញហើយ
ចន្លោះមិនឃើញ
ក្រោយការអនុម័តច្បាប់ថ្មីដែលហាមប្រាមស្ថានីយទូរទស្សន៍មិនឲ្យបិទសិទ្ធិតារាក្នុងការបង្ហាញមុខតាមកញ្ចក់ទូរទស្សន៍ ដោយគ្មានហេតុផលច្បាស់លាស់ ក្រុមចម្រៀងកូរ៉េខាងត្បូង JYJ នៅពេលនេះអាចមានសិទ្ធបង្ហាញវត្តមាននៅក្នុងកម្មវិធីចម្រៀងក៏ដូចកម្មវិធីកម្សាន្តផ្សេងៗវិញហើយ។
កាលពីថ្ងៃទី ៣០ ខែវិច្ឆិកា គណៈកម្មការទំនាក់ទំនងនិងបទដ្ឋានរបស់កូរ៉េខាងត្បូង រួមជាមួយនឹង សម្ព័ន្ធភាពដើម្បីលទ្ធិប្រជាធិបតេយ្យនយោបាយថ្មី បានបើកអង្គប្រជុំមួយដែលមានពាក់ព័ន្ធជាមួយនឹងបញ្ហាហាមតារាមិនឲ្យបង្ហាញមុខតាមទូរទស្សន៍។
ស្របជាមួយនឹងការដាក់ឲ្យប្រើច្បាប់មួយនេះ ស្ថានីយទូរទស្សន៍ទាំងឡាយគឺត្រូវហាមមិនឲ្យបិទសិទ្ធិក្នុងការបង្ហាញមុខរបស់តារាណាមួយ ដោយសារមានការសំណូមពរពីភាគីទី៣ ឬដោយហេតុផលមិនច្បាស់លាស់ណាមួយ ដែលមិនពាក់ព័ន្ធនឹងលក្ខខណ្ឌកម្មវិធី។ ប្រសិនបើក្រុមហ៊ុនមួយណាហ៊ានល្មើសច្បាប់មួយនេះ ពួកគេនឹងត្រូវផាកពិន័យ ២% លើចំនួនលក់ចេញសរុបរបស់ក្រុមហ៊ុន។
C-JeS Entertainment តំណាងក្រុមហ៊ុនរបស់ JYJ បានបង្ហាញពីអារម្មណ៍របស់ខ្លួនថា៖ "ពួកយើងបានតទល់ជាមួយនឹងរឿងអយុត្តិធម៌មួយនេះអស់រយៈពេល ៧ ឆ្នាំមកហើយ។ ហើយយើងខ្ញុំសូមបង្ហាញពីអារម្មណ៍ដឹងគុណ ដែលមានអ្នកដទៃទៀតរួមដៃគ្នាក្នុងការប្រឆាំងនឹងអំពើមិនគប្បីទាំងនេះ។ ពួកខ្ញុំសង្ឃឹមថា ជាមួយនឹងសកម្មភាពនេះ ភាពអយុត្តិធម៌ទាំងឡាយនឹងគ្មានតទៅទៀតនៅក្នុងវិស័យសិល្បៈ"។
គួរបញ្ជាក់ផងដែរថា JYJ គឺជាក្រុមតូចដែលបានបែកចេញពីក្រុម TVXQ ដែលមានសមាជិកដំបូង ៥ នាក់។ នៅឆ្នាំ ២០០៩ សមាជិកបីរូបរបស់ JYJ នៅពេលបច្ចុប្បន្នរួមមាន Jae Joong, Yoo Chunនិង Junsu បានដាក់ពាក្យប្ដឹងបញ្ចប់កុងត្រាជាមួយផលិតកម្ម SM Entertainment ដោយប្រាប់មូលហេតុថាកុងត្រារយៈពេល ១៣ ឆ្នាំនោះគឺវែងពេក។ ចាប់ពីពេលនោះមក JYJ មិនអាចបង្ហាញមុខនៅក្នុងកម្មវិធីចម្រៀងក៏ដូចជាកម្មវិធីកម្សាន្តណាទាំងអស់ ដោយមូលហេតុត្រូវបានគេសន្និដ្ឋានថាផលិតកម្ម SM គឺនៅពីក្រោយបញ្ហានេះ ៕
ចុចអាន៖តារា Kpop សម្រុកទៅព្រលានយន្តហោះដើម្បីធ្វើដំណើរចូលរួម MAMA
ប្រែសម្រួល៖ សុវណ្ណផៃ ប្រភព៖soompi